AMED - Semedê cinîyê ke beşdarê kursê şaredarî bîyî, Atolyeya Cinsî yê Komelî amî organîzekerdiş. Na atolye de, cinîyê ke bernameyê perwerdeyî yê Şaredarîya Bajarê Girdî ya Amedî ra feyde girewtî, atolyeyêke têduştîya cinsî ser o Merkezê Cuya Cinîyan Koşuyoluyî organîze kerd.

 

Şaredarîya Bajarê Girdî, semedo ke cinî cuya rojane de xoser bibê û wareyê meslegî de tewr xurt bibê, bernameyê perwerdeyî bi xebatê têduştîya cinsî piştgirî keno. Merkezê Cuya Cinîyan ya Koşuyoluyî semedê cinîyê ke beşdarê bernameyê perwerdeyî yê ewnîyayîşê klîma, kombî û petekan û sazkerdiş û tamîrkerdişê mobîlyayan bî, atolyêke têduştîya cinsî ser o organîze kerd ke hetê Serekîya Daîreyê Xizmetê Cinî û Keyeyî ra 1ê temmuze de dest pêkerd.

 

Cîyayî çi ya?

 

Xebatkara DÎKASUM’î Necla Gun ke atolye îdare kerdêne, cinîyan dir babeta "Cîyayî çi ya, kam ci rewşe sey cîyayî yenê pênasekerdiş, bêtêduştîyê cinsî ser, formê têduştîya cinsî" erjna.