MERKEZÊ XEBERAN - Cinîyê Afganî yê ke semedê girewtişê nasnameyê elektronîkî şîyî Ofîsa Tomarkerdişê Sivîlî yê Heratî, hetê Talîbanî ra ameyî qamçîkerdiş û ofîse ra ameyî eştiş.

 

Afganîstan de Talîban ke îdare kerd binê destê xo, her ke şino hemverê hêrişê cinîyan zêde beno. Cinîyê ke semedê girewtişê nasnameyê elektronîkî şîyî Ofîsa Tomarkerdişê Sivîlî yê Heratî, hetê Talîbanî ra ameyî qamçîkerdiş û eştî teber.

 

Wexto ke cinî rêze de bî, wezîfedarê Talîbanî rayîr nêdayî ke bikewê zerre û cinîyê ke burka nêdabî xo ra bi qamçî û bi zor înan awanî ra vetî. Wezîfedarêk Talibanî ra cinîyêke tehdîd kerd û va; “Eke ti pêçeke nêdê rîyê xo do karê to nêqedîyo.”