MERKEZÊ XEBERAN - Çarçewaya karî û xebatê fermanî de heyetê TAJÊ yê Bexdayî bi sazgeh û rêxistinê cinîyan dir pêvînayîşan pê ano. TAJÊ derheqê ferman, cinîyê esîrî, jenosîd, rêxistinbîyayîşê cinîyê Êzidî de agahîyan pare kerd.

 

Nê esasî ser heyetê TAJÊ bi cinîyê şebek, Rabîta Cinîyê Iraqî, Cebha Kurdê Feylî û beşê cinî û Sekrekterê Komîteyê Merkezî yê Partiya Şîî dir pêvînayîş pê ard.

 

Pêvînayîşan de babetê serrgêra fermanî ser, dimayê fermanî rêxistinê cinî û komelê Êzidî, muhîmîyê xopawitişî û YJŞ-YBŞ, sîstemê îdareyê xoser, roja ma de rewşa Şengalî û rewşa koçberan agahî ameyî parekerdiş.

 

Nê pêvînayîşan de heyet sazgeh û rêxistinê cinîyan ê Iraqî waşt ke derheqê babeta esîr û hetê Iraqî ra naskerdişê jenosaîdê de destekê dewaya cinî û komelê Êzidî bikerê.

 

Pêro sazgeh û rêxistinê cinîyan ke heyetî înan dir pêvînayîş kerd, dîyar kerdî ke cinîyê Êzidî serkêş ê, hêz înan ra gênê û vatî ke semedê destekê amade yê.