MERSÎN - Bi vengdayîşê Rayberê Şarê Kurdî Abdullah Ocalanî yê  "aştî û komelê demokratîkî" dir pêvînayîşê şarî dir pê ameyî. Kombîyayîşan de bawerîya bi partî û vengdayîşî vejîya vernî û eynî wextî de semedo ke dewlete game nêeşta, bêbawerîyêk vejêna werte.

 

Rayberê Şarê Kurdî Abdullah Ocalanî 27ê Sibate de vengdayîşê "aştî û komelê demokratîkî" kerd û dimayê nê Partîya Têduştî û Demokrasî (DEM Partiyê) semedê aştîya komelî pê bîyaro, kombîyayîşê şarî da destpêkerdiş. Xeylêk bajaranê Kurdistan û Tirkîya de ame plankerdiş ke di hezar û 80î ra zêdeyêr kombîyayîşê şarî pê ameyî û peynîya temmuze dir di hezar kombîyayîşî pê ameyê.

 

Bala her kesî vindertişê dewlete ser o

 

Kombîyayîşê ke ameyî kerdiş de temsîlkarê DEM Partî bi nuşteyê ke perspektîfê prosesî vano, dest pêkenê û dima ra derheqê proses û probleman de aver şinê. Dimayê veşnayîşê çekan ê Koma Aştî û Komelê Demokratîkî dima, nika bala her kesî gamanê dewlete ser o.

 

Şar: Ma bi partîya xo bawer ê

 

DEM Partîye kuçe bi kuçe, semedê prosesê "aştî û komelê demokratîkî" rêxistin bikerê, kombîyayîş kerd û kombîyayîşan de yewin sername vejîya vernî; dewlete hema game nêeşta. Şar eynî wextî de kombîyayîşan de sernameyê ‘ma bi partîya xo bawer ê bi dewlete bawer nîyê’ vetî vernî.

 

Vindertişê îqtîdarî tena vatişanê pozîtîfî de mend

 

Çarçewaya ‘aştî û komelê demokratîkî’ de îqtîdar awankerdişê komîsyonê meclîsî de bi vatişanê pozîtîfî mend. Komîsyon do 51 kesî ra pê bêro, AKP 21, CHP 10, DEM Partî 4, ÎYÎ Partî 3, Partiya Yenî Yol 3 parlamenterî do ca bigîrê. Partîyê ke koma înan meclîs de çin a, ê zî do bi parlamenterêk tewr bibê.

 

DEM Partî ra Hemverfeka Kongreya Komelê Demokratîkî yê Şaran (HDK) Meral Daniş Beştaş, parlamenterê Antalyayî Saruhan Oluç, parlamenterê Stenbolî Cengîz Çîçek ca bigîrê.

 

Tecrîd û binpaykerdişê heqan

 

Proses 7 aşmî dewam keno û tecrîdê Abdullah Ocalanî ser o hema zî dewam keno. Zîndanan de bi raporê ATK’yî hema dermankerdişê tepişteyan yeno astengkerdiş. Bi qerarê kêfî yê Heyetê Îdarî û Taqîbkerdişî (ÎGK) tahliyekerdişê tepişteyan yeno astengkerdiş.

 

Serkêşîya cinîyan do bibo serkewtişî

 

Semedê awankerdişê komelê demokratîkî ganî binpaykerdişê heqan peynî bê û no zî do samîmîyetê dewlete bimojno. Helwestê dewlete yeno rexnekerdiş û nê prosesî de yewin çîyê ke bi dewlete game bido eştiş, pîlkerdişê têkoşînî yo. Averşîyayîşê prosesî de rolê cinîyan muhîm o.