AGIRÎ - Înîsiyatîfa Yewîya Demokratîke, Bazid de  ‘Konferansê Muhîmîyê Yewîya Neteweya Kurdî’ pê ard. Verfeka Komîsyonê Ziwan, Kultur û Hunerî yê DEM Partîye Cemîle Turhalli qisey kerd û va: “Kerdoxê aştîye cinî yê. Yê ke aştîye de vînî bikerê çin ê, aştî her kesî rê dana qezenckerdiş.”

 

Verfeka Komîsyonê Ziwan, Kultur û Hunerî ya Partîya Têduştî û Demokrasî (DEM Partî) Cemîle Turhalli ke tewrê konferansî bî, derheqê prosesê aştîye û rolê cinîyan de qisey kerd.

 

‘Dewamê cigêrayîşê yewîye yê Ahmedê Xanê dayo destpêkerdişî yo’

 

Cemîle Turhalli dîyar kerd ke yewin konferansê Îînsiyatîfê Yewîya Demokratîke, yewîya Kurdistanî ser o ya û wina va: “Şarê kurdî bi seserran o cigêrayîşê yewîye de yê. Ahmedê Xanê 300 serrî verê derheqê yewîye de vatişê xo vatibî. O wext zî semedê nêbîyayîşê yewîya kurdan, problem estbî. Ahmedê Xanê o wext zî zanayîne. Her îmkanî de ard ziwan. Têkoşîn da. Her tim qalê yewîye kerd. Cigêrayîş a roje ra dewam keno. Îtîraz a roje ra dewam kenê.”

 

‘Kurdî tena bîyayîşê xo esas nêgînê’

 

Cemîle Turhalli bale ant yewîye ser û tifaq û kurdan ser û wina va: “Kurdî ewro nêwazenê şaşîyê ke verê ameyê kerdiş, bêrê reynakerdiş. Kurdî nêwazenê binê tesîrê hêzê hegemonîk de bimanê û qerar bidê. Wazenê yewîya xo awan bikerê û têhet de bê. Kurdî tena bîyayîşê xo nê, yê heme şaran esas gênê û wazenê pêro şaran dir pîya biciwîyê.”

 

‘Birêz Ocalan pirda ke ano têhet o’

 

Cemîle Turhalli wina dewam kerd: “Tarîxê Kurdistanî de problemo tewr pîl krîzê rêxistibîyayîşî yo. Ganî ewro her çar parçeyê modelê rêbertî bêrê awankerdiş. Ewro birêz Ocalan wayîrê nê hêzî yo. Birêz Ocalan pirda ke ano têhet o. Pêşnîyazîyê xo keno. Belê, lazimîya ma na pirde rê estbî. Ewro Abdullah Ocalan a pirde awan kerda.”

 

‘Cinîyan bi rêxistinbîyayîşê xo cewab da’

 

Cemîle Turhalli dîyar kerd ke pawitişê bîyayîşê kurdan de kerdoxê tewr pîl cinî yê û va: “Îtîrazê kurdan bi destê cinîyan bîyê. Cewabê tewr pîl bi rêxistibîyayîşî hetê cinîyan ra ameyo dayîş. Kerdoxê tewr muhîm yê aştîye cinî yê. Ma têkoşînê cinîyan ra hêz û moral gênê. Kerdoxê aştîye cinî yê. Yê ke aştîye de vînî bikerê çin ê, aştî her kesî rê dana qezenckerdiş.”