MERKEZÊ XEBERAN - WANA reaksîyon vera tesdîqkerdişê cezaya dardekerdişî ya rojnamegere û pawitoxa heqê merdiman Pexşan Ezîzî mojna û semedê betalkerdişê cezaye venga têgêrayîşî kerd.

 

Dadgeha Berzî ya Îranî cezaya dardekerdişî da rojnamegere û pawitoxa heqê merdiman Pexşan Ezîzî. Torra Paştdayîşî ya Cinîyan ê WANAyî (Asyaya Rojawanî û Vakurê Afrîqayî) semedê betalkerdişê cezaya Pexşan Ezîzî venga çalakîya lezgînî da.

 

Eşkerayîye de wina ame vatiş: “Sey endamê Torra Paştdayîşê Cinîyan ê WANAyî, ma venga komelê mîyanneteweyî, hukmatî, rêxistinê heqê merdiman û pawitoxê heqê cinîyan kenê ke semedê vindarnayîşê qerarê dardekerdişê Pexşan Ezîzî, dest bi çalakîyê biqerar û lezgîn bikerê. Dadgeha Berzî ya Îranî qerarê cezaya dardekerdişî tesdîq kerd û na ceza bena ke reyke bîn bêro caardiş. Pexşan Ezîzî, cuya xo fedayî pawitişê heqê cinîyan, têkoşînê hemverê bêtêduştî û têkoşîna edaletî yê semedê komeleyê xo kerd. Zerrîwazîya aye ya qayîm bi heqê merdiman, semedê xeylêk kesan bî hêvî. Bidardekerdişê aye tena do nêbo bêedaletîyêk wehşet, eynî wextî de do vengêk semedê averşîyayîşê Îranî û têduştî zî bêro birnayîş.”