Şehrîban Aslan

 

DÎLOK - Dayika Şaban Kaygusuz, Duriye Kaygusuz, derbarê girtina Şaban Kaygusuz de got, "Ji aliyekî ve behsa aştiyê dikin, ji aliyê din ve jî zarokên me dişînin hucreyên yekkesî. Ez tiştekî ji vê aştiyê fam nakim. Em naxwazin êdî tiştên wisa biqewimin."

 

Şaban Kaygusuz (27) ku di sala 2018'an de li Şirnexê di pevçûnekê de dest û lingê xwe yê rastê winda kir, hate binçavkirin û girtin. Şaban Kaygusuzku ji Girtîgeha Sêrtê sirgûnî Girtîeha Tîpa D ya Amedê hat kirin, ji aliyê 2'emîn Dadgeha Cezayê Giran a Sêrtê ve bi 31 sal cezayê girtîgehê hate cezakirin. Ew herî dawî di 20'ê Cotmeha 2021'ê de ji bo Girtîgeha Girtî ya Tîpa T ya Hejmare 2 ya Bunya a Kayser hate veguhastin.

 

Her çend dadgehê biryara berê ya ATK'ê, ku biryar d Şaban Kaygusuz, girtiyekî nexweş, "nikare di hucreya yekkesî de were girtin", bicîh neanî jî, biryara duyemîn a ATK'ê diyar kir ku rewşa wî "xetereke teqez" ji bo jiyana wî çênake û îdîa kir ku berdana wî ne hewce ye.

 

Dayika Şaban Kaygusuz, Duriye Kaygusuz, jî zehmetiyên ku kurê wê di girtîgehê de pê re rû bi rû ma vegot.

 

'Daxwaza wî hate redkirin'

 

Duriye Kaygusuz ku diyar kir axaftinên aştî û hêviyê hene, her wiha destnîşan kir ku tecrîda li ser zarokên wan berdewam dike û got, "Kurê min li Girtîgeha Kayseriyê ye û derenceyên li wir bilind in. Ew di hilkişîn û daketinê de zehmetiyek mezin dikişîne. Hevalên wî neçar in ku alîkariya wî bikin. Ew gelek caran ji derenceyan dikeve xwarê lê qet ji me re negot. Em ji hevalên wî hîn bû ku tenduristiya wî ne baş e. Kurê min nikare di girtîgehê de bijî. Şaban daxwaznameyek ji bo girtîgehek ku ew dikare hinekî rehettir be pêşkêş kir, lê ew hate redkirin."

 

'Em nizanin çim di huceryê de ne'

 

Duriye Kaygusuz, destnîşan kir ku Aziz Baytekin ku di heman girtîgehê de ye, ji xizmên xwe re ragihandiye ku ew û Şaban Kaygusuz di hucreya yekkesî de ne û got, "Em nizanin çima ew di hucreya yekkesî de ne. Em nizanin çi diqewime. Şaban ne dest û ne jî lingên wî hene. Çima ev zilm li wî tê kirin? Ji aliyekî ve behsa aştiyê dikin, û ji aliyê din ve zarokên me dişînin hucreya yekkesî. Ez ji vê aştiyê tiştekî fêm nakim. Em naxwazin ku ev tişt êdî biqewime. Em dixwazin Şaban û zarokên me yên din ji girtîgehê werin berdan. "Ez tiştekî ji van gotinên aştiyê fam nakim. Em naxwazin êdî tiştên wisa hebe Em dixwazin Şaban û zarokên me yên din ji zindanê werin berdan. Li gorî qanûnên heyî ev pêwîst e. Ger qanûn hebe, divê hem girtiyên nexweş û hem jî girtiyên siyasî bi giştî ji zindanê werin berdan. Em nizanin em ê ji vê pêvajoyê re çi bibêjin. Em dixwazin bizanin ka ew dost in an dijmin in. Em dixwazin bêjin, 'Erê, ev dostên me ne û em ê li kêleka wan bisekinin.' Em aştiyek rastîn û durust dixwazin."

 

'Behsa aştiyê tê kirin, lê şer berdewam dike'

 

Duriye Kaygusuz tekez kir ku 50 sal in li Kurdistanê şerekî qirêj heye û diyar kir ku ciwanên her du aliyan jîyana xwe ji dest dane. Duriye Kaygusuz diyar kir ku divê ev şer bi dawî bibe û got, "Divê pêşerojek nû were avakirin. Her deqîqe, her saniye, em li ser televîzyonê li nûçeyên nû temaşe dikin. Em li bendê ne ku tiştek erênî li ser aştiyê bibihîzin. Divê ev şerê qirêj ji hêla dewletê ve were rawestandin. Mînak, dewleta Tirk li Başur şer didomîne û çekên kîmyewî bi kar tîne. Ji ber ku hûn behsa pêvajoyek aştiyê dikin, şertên aştiyê bi cîh bînin. Bila yên li çiyayan vegerin malên xwe. Em şer naxwazin, em aştî û wekheviyê dixwazin. Em naxwazin xwîn birije. Bila dilê dayikan êdî neêşe. Bila dewlet ji bo aştiyê gavan bavêje."

 

'Em ji banga Rêberê xwe kêfxweş in'

 

Duriye Kaygusuz, diyar kir ku banga Rêberê Gelê Kurd Abdullah Ocalan ji bo wan dîrokî bû û wiha dawî li axaftina xwe anî: "Em ji banga Rêber pir kêfxweş in. Rêberê me îro ev gav ji bo gelên Rojhilata Navîn avêtiye. Wek dayik, dayikên şehîdan, em dixwazin Rêberê xwe bibînin. Em dixwazin fêm bikin ka Rêberê me çi dibêje, çi dixwaze ji me re bêje. Her çend şer bi salan e didome jî Rê her tim aştî dixwest. Tevî salên tecrîdê jî, ew dîsa jî behsa aştiyê dikir. Wî behsa aştiyê dikir, hem zarokên Kurd û hem jî yên Tirkan difikirî. Ger dewletê guh bidaya Rêber dema ku  behsa aştiyê dikir, me ewqas mirov winda nedikir. Ez jî dixwazim beşdarî komîsyonê bibimû wek dayikek, ez dixwazim Rêber bibînim. Dîtina wî ji bo me pir pîroz û girîng e."