NAVENDA NÛÇEYAN - Jinên girtî ku di navbera wan de Hevseroka Giştî ya HDP'ê ya berê Fîgen Yuksekdag, Hevseroka Giştî ya DBP'ê Sebahat Tuncel jî hebûn ji bo bertekê nîşanî êrîşên li ser Efrînê bidin 3 rojan ketibûn gereva birçîbûnê. Dozgerê girtîgehê derbarê jinên siyasetmedar ên ku ketin greva birçîbûnê de lêpirsîn da destpêkirin. 

 

Jinên siyasetmedar ên li 1'emîn Girtîgeha Tîpa F ya Kandirayê li dijî êrîşên li ser Efrînê 3 rojan ketibûn greva birçîbûnê. Dozgerê 1'emîn Girtîgeha Tîpa F ya Kandirayê derbarê jinên siyasetmedar de lêpirsîn dest pê kir. 

 

Jinên siyasetmedar ên ku ketin greva birçîbûnê ev in: Hevseroka Giştî ya HDP'ê ya berê Fîgen Yuksekdag, Alîkara Hevseroka Giştî ya HDP'ê Aysel Tugluk, Parlamenterên HDP'ê Çaglar Demîrel, Burcu Çelîk Ozkan, Gulser Yildirim, Hevseroka Giştî ya DBP'ê Sebahat Tuncel, Hevserokên Şaredariyên DBP'ê Gulten Kişanak, Nurhayat Altun û Hevseroka Şaredariya Dêrsimê ya berê Edîbe Şahîn.