EFRÎN - Rêxistina Kongra Star ji bo bîranîna salveger a şehadeta her sê jinên siyasetmedar Sakîna Cansiz, Fîdan Dogan û Leyla Şaylemez li herêma Efrînê merasîma bîranînê li dar xist.

 

Rêxistina Kongra Star bi armanca bîranîna her sê jinên siyasetmedar Sakîna Cansiz û rêhevalên wê ku li di 9'ê Çileyê 2013'an de li paytexta Firansayê li Parîsê hatibûn qetilkirin li navenda Çand û Hunerê ya herêma Efrînê merasîma bîranînê li dar xist. Hemû sazî û desteyên Rêveberiya Xweser, Kongra Star, Partiya Yekîtiya Demokratîk (PYD), Yekîtiya Êzîdiyan, HPC, TEV-DEM, her wiha bi sedan şêniyên navçeya herêma Efrînê beşdarî merasîma bîranînê bûn.

 

Piştî deqeyek rêzgirtin, li ser navê Rêveberiya giştî ya Kongira Star Zelal Efrîn axivî, Zelal wiha got:" Têkoşer Sakîne Cansiz fermandara yekemîn a di nav  PKK'ê de bû. Bi îradeya xwe nûnertiya jina azad dikir, her wiha bi têkoşîna Sakîne Cansiz, Fîdan Dogan û Leyla Şaylemez rêya hemû jinan ronî bû.                                 

Piştre sînevizyona li ser jiyana Sakîna Cansiz û rêhevalên wê hat temaşekirin. 

 

Çalakiya merasîma bîranîna sê jinên siyasetmedar bi dirûşma"Bê Serok jiyan nabe"bi dawî bû.