NAVENDA NÛÇEYAN - Xizmên Windayan, li Amed, Êlih û Îzmîrê  qûbeta xizmên xwe yên winda pirs kirin.

 

Xizmên windayan û Komeleya Mafên Mirovan (ÎHD) li Amed, Êlih û Îzmîrê çalakiyên xwe yên heftane domandin. 

 

Amed 

 

Xizmên Windayan û nûnerên Şaxa Komeleya Mafên Mirovan (ÎHD) ya Amedê ji bo winda bêne dîtin û kujer bêne darizandin li pêş Bîrdariya Mafê Jiyanê ya Parka Koşuyolu ya Amedê di hefteya 864'an de çalakiyên xwe berdewam kirin. Di çalakiyê de nûnerên ÎHD'ê û Xizmên Windayan wêneyên kesên ku di salên 1990'î de ji aliyê polîs û JÎTEMê ve hatinî windakirin rakirin rakirin. Xizmên windayan vê hefteyê aqubeta Osman Buluttekîn pirsîn. 

 

Serokê ÎHD'ê Ercan Yilmaz daxuyanî xwend. Çîroka Osman Buluttekîn ê ku di 23'yê Tebaxa 1995'an de li navçeya Pasûrê ya Amedê hatibû windakirin, jî aliyê endamê Şax a ÎHD'a Amedê Firat Akdenîz ve hat xwend. Piştî daxuyanîyê Xizmên Windayan û nûnerên Şaxa ÎHD'ê a Amedê deqeyek çalakîya runiştinê li dar xistin û piştre belav bûn.

 

Êlih

 

Şaxa ÎHD'ê ya Êlihê û Xizmên Windyan ji bo hefteya 700'emîn a çalakiya xwe li ber Abîdeya Mafên Mirovan a li Kolana Gulistanê kom bûn. Pankarta bi nivîsa "Em 700 hefte ne li vir in, em bêdeng nînin, em edaletê digerin" hate vekirin û gelek kes beşdarî çalakiyê bûn.

 

Nûnerê Herêmî yê ÎHD'ê Tahîr Saçakli di çalakiyê de axivî û got: "Em 700 hefte ne ji bo rastiyê têdikoşin. Ev yek ji têkoşînên herî demdirêj e. Em ji pêvajoya civaka demokratîk bi hêvî ne. Em dixwazin ev pêvajo ku bi salan e berdewam dike, bi ser bikeve. Bi vî rengî, em ê windahiyên ku em bi salan e lê digerin bibînin. 

 

Tahîr Saçaklı behsa Pêvajoya Aştî û Civaka Demokratîk a ku ji hêla Rêberê Gelê Kurd Abdullah Ocalan ve hatiye destpêkirin kir û wiha bi lêv kir: "Divê dengê xizmên windahiyan bê bihîstin da ku ev pêvajo bi ser bikeve. Ev pêvajo bi têgihîştinên sîstemîk ên kevn nayê meşandin. Ger Kurd, Ereb, Tirk û Suryanî dixwazin li vê herêmê bi hev re bijîn, divê dev ji van rêbazên kevn berdin."

 

Piştre, Hevserokê Şaxa ÎHD'ê ya Êlihê Ahmet Şîray daxuyanî xwend û bi bîr xist ku Şaxa Êlihê ji 31'ê Çileya 2009'an vir ve, di bin pêşengiya xizmên windayan û dayikan de, bi dirûşmeya "Bila winda bêne dîtin, faîl bêne darizandin" 700 hefte ye têkoşîna xwe li vê qadê didomîne.

 

Îzmîr

 

Şaxa ÎHDê ya Îzmîrê li ber Sümerbanka Kevin a li Konakê, bi dirûşma "Bila winda bên dîtin, sûcdar bên darizandin" çalakiya xwe ya ji du hefteyan carekê domand. Di daxuyaniyê de pankartên bi nivîsên "Winda diyar in, kujer li ku ne?" û "Winda wijdan in, ji bo wan rabin ser piyan" hatin vekirin. Di çalakiya vê hefteyê de, Rêvebera ÎHD'ê Nazli Turan çîroka Îbrahîm Kartay vegot ku di 15'ê Tebaxa 1994'an de ji aliyê leşkeran ve hatibû girtin û careke din jê agahî negirtibûn.

 

Pîştî daxuyaniyê 5 deqe çalakiya rûniştinê hat lidarxistin.