NAVENDA NÛÇEYAN - Li bajarê Fabriano yê Îtalyayê hemwelatiya fahrî dan Pexşan Ezîzî, Şerîfe Muhammedî û Werîşe Muradî yên ku ji aliyê dewleta Îranê ve cezayê îdamê lê hatine birîn.

 

Li bajarê Fabriano yê Îtalyayê hemwelatiya fahrî dan sê jinên aktîvîst Pexşan Ezîzî, Şerîfe Muhammedî û Werîşe Muradî yên ku ji aliyê dewleta Îranê ve cezayê îdamê lê hatine birîn.

 

Endama Meclîsa Şaredariya Fabriano Marta Ricciuti daxuyanî da û ragihand ku bajar ev biryar ji bo bi rûmetkirina têkoşîna jinan a ji bo mafên sivîl û edaleta civakî daye. Biryar bi pêşniyara Komîsyona Wekheviya Jin-Mêr bi dengdanê hate qebûlkirin.

 

Marta Ricciuti li ser hesaba xwe ya medyaya dîjîtal daxuyanî da û got, “Hemwelatiya fahrî ya ji bo Pexşan Ezîzî, Şerîfe Muhammedî û Werîşe Muradî li meclîsa me bi dengdanê hate qebûlkirin. Ev jin ji ber ku ji bo parastina mafên jin û karkeran kar û xebatên aştiyane meşandine, mehkûmî îdamê hatin kirin.”

 

Marta Ricciuti got, biryara hemwelatiya fahrî tenê jestek sembolîk nîne, di heman demê de amûra dengê têkoşerên azadî û rûmeta mirovahiyê  ye.

 

Marta Ricciuti diyar kir ku ev gav ji bo rawestandina îdaman armanc dike ku zexta navneteweyî zêde bike û rayedarên Îranê ji vê biryarê paşde vekişîne û got, “Azadiya fikir û îfadeyê tenê mafek nîne, di heman demê de amûreke xurt a berxwedan û piştevaniyê ye. Bêdengî jî cureyekî hevkariya sûc e.”