HESEKÊ - Îro Gelê Aşûrî li Dêra Mart Şimonî ya li gundê Til Çûma Mart Şimonî û 7 zarokên wê bi bîr anîn. 

 

Îro serê sibehê li ser dengê zingilên Dêra Mart Şimonî ya gundê Til Çûma (Helemon) gelê Aşûrî berê xwe dane Dêrê û li wir dest bi qidasên olî kirin. Paşê Qeseyê Dêrê, Îşo Werda, teratîlên olî xwend û serpêhatiya jina berxwedêr ji gel re rave kir. 

 

Piştî dawî kirina axaftinê jin, mêr, kal û pîr ji destê Qese piçek nan û ximir vexwarin paşê dest bi xwarinê kirin.

 

Gelê Aşûrî li malên xwe taştê çêdikin û gazî gel dikin ku bixwin, hin malbat jî serdana hev dikin û bi hev re xwarinê dixwin. 

 

Gelê Aşûrî her di nava hewldanê de ne ku dîrok, çand û nasnameya xwe wekî netew biparêzin.