Melek Avci

 

ANKARA - Yew koordînatora Skandînavyaye, kampanyaya ke semedê azadîya fîzîkî ya Rayberê PKKyî Abdullah Ocalan û çareserîya sîyasî ya meselaya kurdî ameya destpêkerdiş Beth Hartmann dîyar kerd ke ganî hemverê rejîmê apartheîdî yê Afrîkaya Başûrî zî semedê wedaritişê tecrîdî zî têkoşîn bêro dayîş. Beth Hartmann wina vat: "Tecrîd û çareserîya problemê kurdî ganî bêro çareserkerdiş. Ganî Tirkîya zî sey Îsraîlî bêro boykotkerdiş."

 

Îdarekara kampanyaye yê Skandînavyayî Beth Hartmann serê babete de ercnayîş kerd.

 

Tecrîdê Îmraliyî bi Wezîrê Karê Zerreyî yê Norveçî ame kerdiş

 

Bethe, dîyar kerd ke Norveçî semedê rayaumûmî derheqê tecrîdê Îmraliyî ke Tirkîya de dewam keno, neql bikero xeylêk xebate kerdo û wina vat: “Norveç semedê paştdayîşê Kurdistanî kar keno ke rewşa birêz Ocalanî mîyanê norveçijan de zêdeyêr kewena vernî û ma zî hewl danê ke cewabêk hukmatî bigîrê. Ma nika Partîya Sûre reyde xebitîyenê û înan tewr peyîn pers Wezîrê Karê Teberî rê kerd ke do hukmat se bikero ke Tirkîya rêze heqê merdiman ê tepişteyê sîyasî yê Îmraliyî rê bigîro. Heta nika cewabêk nêameyo dayîş, la yeno pawitiş ke mîyanê nê hewteyî de bêro dayîş. Ma seba ke teda hukmat û meclîs rê bikerê ma şuxilênê. Ma seba waştişê vindarnayîşê kerdoxê teberê merdimayî yê hemverê Birêz Ocalanî û tepişteyanê bînan, şuxilênê."

 

'Rexne Ewropa de yeno vindarnayîş'

 

Bethe da zanayîş ke rexne Ewropa de yeno vindarnayîş û wina vat: "Bi vînayîşê mi welatê Ewropa û DYAyî bi etîketê Tirkîya de birêz Ocalan sey ‘terorîst’ yeno binamekerdiş. Nê semed ra hemverê muameleyê ke birêz Ocalan û şarê kurdî rê yeno kerdiş bêvengîyêke est o. Rexneyê sazgeh û dezgeyê mîyanneteweyî Ewropa de yenê vindarnayîş."

 

'Çar hetê dinya ra reaksîyon yenê mojnayîş’

 

Bethe dewam de wina vat: "Norveço ke Kurdistanî reyde paştdayîş keno, baş zano ke Tirkîya hetkarîya remnayîşê Birêz Ocalanî kerd û zîndanê Îmraliyî de rastê îşkenceyê nêmerdimî ame. Hemverê tecrîdê serê tepişteyanê sîyasîyan û seba ke birêz Ocalan nêeşkeno keye û avûkatan reyde pêvînayîş bikero coka zî çar hetê dinya ra şar reaksîyon mojneno.”

 

Awankerdişê rayaumûmî û boykot

 

Bethe bale ant serê rayaumûmî û boykotî û vat: “Goreyê mi ganî sey wexto ke Afrîkaya Başûrî de apartheîd virazîya, seba tecrîdkerdişê Birêz Ocalanî û çareseriya aştiyane yê problemê kurdî zî xebate bêrê kerdiş. Ganî ma zî hewl bidê ke Tirkîya bêro boykotkerdiş."