AMED - Tepişteyê Zîndanê Padayeyê Cinîyan ê Bunyanê Kayserî bi deyîra "Çavê Cûdî" paştdayîş dayî çalakîya grevê vêşanîye ke bi waştişê "Abdullah Ocalanî rê azadî û problemê kurdî rê çareserîya sîyasî" ame destpêkerdiş.

 

Grevê vêşanîye yê bêdem û dore ke tepişteyê sîyasî yê zîndanê Kurdistan û Tirkîya de semedê azadîya fîzîkî ya Rayberê PKKyî Abdullah Ocalanî yê 24 serrî yo Girawa Îmraliyî de tecrîdê girankerde de yeno tepiştiş û çareserkerdişê problemê kurdî 27ê Teşrîna Peyêne de dabî destpêkerdiş roja 24ine de yo. Mesaj û deyîrê xoverdayîşî yê ke tepişteyî bi keyeyê xo reyde bi rayîrê telefonî neql kenê zî dewam keno.

 

Deyîra 'Çavê Cûdî' ameye vatiş

 

Tepişteyê Zîndanê Padeyê yê Cinîyan ê Bunyanê Kayserî de zî bi deyîra hunermend Bermal Çem a bi nameyê "Çavê Cûdî" bi telefon keyeyê xo rê neql kerdî û paştdayîş dayî xoverdayîşê grevê vêşanîye.