AMED - Yew tepişteya sîyasî Saadet Akina ke çarçewaya hemleyê "Abdullah Ocalanî rê azadî û problemê kurdî rê çareserîya sîyasî" pêwa hevalanê xo dest bi grevê vêşanîye ya dore kerd, bi deyîra xo newe vengdayîş kerd.

 

Çalakîya grevê vêşanîye ya dore ke hetê tepişteyanê sîyasî ra 27ê Teşrîna Peyêne de bi waştişê “Abdullah Ocalanî rê azadî û problemê kurdî rê çareserîya sîyasî” zîndanan de amebî destpêkerdiş, roja 4ine de dewam keno. Grevo ke 104 zîndanan de xeylêk tepişteyî bi dore tewr benê, tepişteyî bi rayîrê keye û avûkatanê xo mesajê xo neql bikerê. Saadet Akîn û Zelal Bîlgîn Zîndanê Padaye yê Cinîyan ê Sîncanî dest bi grevê vêşanîye yê 10 rojan kerdî.

 

Deyîra newe

 

Saadet Akina ke 9 serrî yo zîndan de ya û 8ê Teşrîna Peyêne 2018ine de tewrê grevê vêşanîye ke zîndan de hetê Leyla Guven ra ame destpêkerdiş zî bîbî û eynî wextî de semedê Jîna Amînî ya rojhelatê Kurdistanî ke hetê rejîmê Îranî ra ameye qetilkerdiş deyîra "Jîna" zî vete, pêvînayîşê bi telefonê keyeyê xo rê kerd de bi deyîrêka newe ke viraşta venga xoverdayîşê şarî rê kerd. 

 

Derheqê Saadet Akine de

 

Saadeta ke 2015ine de wextê qedexeyê tebervejîyayîşê kuçeyan ê Sûrê Amedî de tepişya û berdîya Zîndanê Cinîyan ê Amedî, dimayê ke 2 serran uca de mende surgunê Zîndanê Cinîyan ê Tersûsî ya Mêrsînî ameye kerdiş. Saadete dimayê ke di serran zî Zîndanê Tarsûsî de mende, dima ra sirgûnê Zîndanê Cinîyan ê Sîncanî ameye kerdiş. Saadete 5 serrî zîndanê Sîncanî de tepişte ya.