Rozerîn Gultekîn

 

AMED - Dadîya Aştîye Asîye Tay ke deyîranê kultur û ziwanê ma de cayêk muhîm gênê vana û wina vengdayîş kerd: “Ez venga pêro kesan kena ke kulturê xo tutanê xo rê bimusnê. Wa kulturê ma vînî nêbo.”

 

Dengbêjî û deyîrî semedê kurdan sey tarîx, sey neqlkerdişê kulturî yenê dewamkerdiş. Herêman de goreyê şert û mercan kultur form gêno, bi hacetê muzîk yan zî bê hacet pê yenê. Lehengî, weşikîya wisarî, keyfweşî, serkewtiş, nêweşî, dej bi deyîran yenê vatiş û deyîrî edebîyatê kurdî yê fekî de cayêk zaf muhîm gêno. Yew a kesa ke kultur ameyoxî rê neql kena û pawena, Asiye Taya ke têkoşînê Dadîyê Aştîye zî kena ya.

 

23 serrî yo têkoşîn kena

 

Asîye da zanayîş ke Sîlopîya Şirnexî de 2000 de bi HADEPî reyde tewrê têkoşînî bîya û 23 serrî yo têkoşînê xo dewam kena. Asîye wina vat: “Bi abibîyayîşê partî reyde prosesêk ke zextê dewlete pir zêde bîyî de tewrê xebatan bîya. Vernê de Dadîya Aştî nêbîya. Şirnex de dimayê ke Însiyatîfê Dadîyê Aştîye ame awankerdiş dima, bîya Dadîya Aştîye. 15 serrî yo mîyanê Dadîyê Aştîye de têkoşîn kena. Semedê Dadîya Aştîye bîye, 2011 de wexto ke qirkerdişê Roboskî virazîya, semedo ke ez şîya şîn ameya tepiştiş û 6 aşmî zîndan de menda. Vatî çi karê to uca de est o. Mi zî vat, ez Dadîya Aştîye ya çîyêk nimite çin o. Ma vat ma dadî çîyê weş wazenê. Ma vat, ma nêwazenê merdimî bimirê.”

 

Lingêke têkoşînê aye deyîrê aye yê

 

Asîye dîyar kerd yew lingê têkoşînê aye deyîrê kulturê kurdî de ca gênê yê û wina vat: “Ganî her kes wayîrê ziwanê dadî bivejîyo. Deyîrê ma ma vatêne ma tutanê xo rê vatêne û ma wina dayîne ciwîyayîş. Ganî dadî deyîran xo vîr ra nêkerê. Pêro dadî deyîran zanê. Wa kultur û ziwan xo vîr ra nêkerê. Ez venga pêro kesan kena. Wa kulturê xo bidê ciwîyayîş û tutanê xo rê bidê musayîş.”