MERKEZÊ XEBERAN - Pêwa ke serê qetilkerdişê Endama Merkezê Heyetê Jineolojî, akademîsyen û rojnamegere Nagîhan Akarsel ke Silêmanî de ameye qetilkerdiş, zêdeyêrê 7 aşmî derbaz bî zî derheqê dosya de tu eşkerayîyêke nêameye dayîş.

 

4ê Teşrîna Verêne 2022ine de bajarê Silêmanî yê Başûrê Kurdistanî Endama Merkezê Heyetê Jineolojîye, akademîsyen, aktîvîst û rojnamegere Nagihan Akarsel zêdeyêrê 7 aşmî yo ke serê qetilkerdişê ci ra derbaz bîyo.

 

Dimayê qetilkerdişê Nagîhane, derheqê Îdarekarîya Pêroyî yê Silêmanî de eşkerayîyêke nuşteyî da û dîyar kerd ke serê rayîrê Silêmanî-Koyê de kiştox ameyo tepiştiş. Pêwa ke zêdeyêrê 7 aşmî serê kiştişê Nagîhane ra derbaz bîyo zî, heta nika tu eşkerayîyêke cîya nêameyo kerdiş.

 

Tirkîya ra îtîraf

 

Derheqê peyperdeyê qetilkerdişê Nagîhane ke kam aye qetil kerdo de Tirkîya ra îtîraf ame. 9ê Teşrîna Verêne de Serekê Herêma Kurdistanî Mesrur Barzanî û Sersefîrê Tirkîya yê Iraqî Alî Riza Guneyî yewbînan reyde pêvînayîş viraşt û badê persayîşê yew persî Alî Riza Guney derheqê qetilkerdişê Nagîhane de eşkerayî da. Alî Riza Guneyî vat: “Mi qala hêvîyê xo yê elemanê PKKyî û têkoşînî de kerd. Ma unsurê ke mîyanê Iraqî de yî ra hîna zêde muhîmî dane xoserîya Iraqî. Zanê ke çi yeno watiş. Iraq cîranê ma yê qedîmî yo û dost û birayê ma yo. Seba ma Iraq de asayîş, îstîkrar û refah her çî ra ver yeno. Têkoşînê ma yê vera terorî û hêvîya ma nê semedî ra yo. Kesê ke têkilîya înan bi PKKyî reyde esta û PKKyî kerdî merkezê xo hedefi.” Alî Riza Guneyî bi nê vatişan qetilkerdişê Nagîhane îtîraf kerd. 

 

Nagîhan Akarsele kam a?

 

Nagîhan Akarsela ke Konya ra ya kovara cinîyan û rojnameyê cinîyan de nuşteyan nuştêne. Îmza eşte xeylê cigêrayîşê ke babeta înan Jîneolojî, rojnamegerîya cinî û cinî bî. Nagîhane tewr peynî seba cigêrayîşê Jîneolojîye bi serran bî ke Silêmanîye de cuyayêne. Nagîhane sewbîna projeyê Kitabxaneyê Cinî yê Kurdistanî zî rayra berdêne. Nagîhane 4ê Teşrîna Verêne ya 2022î de Silêmanîye de wexto ke keyeyê xo ra vejîya bi 11 guleyan ameye qetilkerdiş.