Sema Çaglak

 

ŞIRNEX - Cinîyê Botanî dîyar kerdî ke waştişê înan ê tewr gird şikitişê tecrîdê serê Rayberê PKKyî Abdullah Ocalanî û azadîya tepişteyanê sîyasîyan o. 

 

Tecrîdê serê Rayberê PKKyî Abdullah Ocalanî dewam keno û bi serran o tu xeberêke ci ra nîna girewtiş. Reaksîyonê hemverê tecîrdî ke tesîrê xo serê pêro komelî de kerdo û heme tepişteyan ser de zî keno roj bi roje zêde beno. Cinîyê Botanî bale antî tecrîdo ke her ke şino giran beno ser û waştişê serbestveradayîşê Abdullah Ocalan û heme tepişteyanê sîyasîyan kerdî.

 

'Ganî serekê ma azad bibo' 

 

Nafîye Kuçuke dîyar kerd ke tecrîd pêro komelî ser de tesîrêk xirab keno û wina vat: “Wa asayîş pê bêro. Wa tepişteyan serbest vera bidê û şerê vera kurdan biqedîyo. Ma zî wazenê sey her miletî heqanê xo dest bifînê. Hende serrî yo ke serekê ma binê tecrîdî de yo. Ganî serekê ma azad bibo û no tecrîd peynî bibo.”

 

‘Ma do ser bikewê’

 

Neslîhan Ablime da zanayîş ke şarê kurdî wazeno Abdullah Ocalan azad bibo û aştîyêke daîmî pê bêra û vat: “Ma bindestî nêwazenê. Heta key ma di wina bindest bimanê. Êdî bes o. Vera bindestîye de ma do raya xo bidî xo. Wa serekê ma azad bibo.”

 

'Tepişteyê sîyasî rê azadî' 

 

Nurîye Sonmeze bale ant rewşa tepişteyanê sîyasîyan ser û vat: “Tecrîd vilayê heme zîndanan bîyo. Bi hezaran tepişteyê ma bi zilm û îşkenceyî reyde rî bi rî manenê. Ma wazenê Abdullah Ocalan û tepişteyî sîyasî heme serbest bibê. Wa no şer biqedîyo û asayîş pê bêro.”

 

‘Wa êdî gonî nêrija’

 

Besna Bulbule ard ziwan ke dadî aştî û seyyewbînanîye wazenê û wina qisey kerd: “Wa êdî gonî nêrija û çimê dadîyan wa nêbermê. Sewbîna no tecrîdo ke tesîrê xo serê şarî de zî viraşto ke serê Abdullah Ocalanî de dewam keno wa bêro peynîkerdiş. Tepişte binê tecrîdî de yê, wa tecrîdê serê înan zî peynî bibo û tepişteyê ma wa azad bibê.”

 

‘Ma do ser bikewê’

 

Tewr peynî cinîyan ra Taybet Çelîke qisey kerd û aye zî wina vat: “Wa serekê ma serbest bêro verdayîş, wa tepişteyê ma yê sîyasî heme serbest biverdê û tecrîdî peynî bikerê.”