Melîke Aydin

 

MUGLA - Namzeda Partîya Çep a Keske Derya Hezere da zanayîş ke prosesê weçînayîşî de îdîayê sey bi Rayber Adullah Ocalanî reyde pêvînayîş ameyo kerdiş, bi amacê girewtişê rayê Kurdan yenê kerdiş û şarê Kurd zano ke tecrîd bê maben dewam keno.

 

Sereka Pêroyî ya Îyî Partîye Meral Akşenere programêk televîzyonî de îdîa kerd ke kesêk endamê muhakemeyi nameyê xo bedişlnayo û bi Rayberê PKKyî Abdullah Ocalanî reyde pêvînayîş kerdo. Sewbîna namzedê rêza yewine yê Amedî yê AKPyî Galîp Ensarîogluyî zî îdîa kerd ke pêvînayîş ameyo kerdiş. La wezîrîya Edaletî 7ê Gulane de eşkera kerd û vat  ke pêvînayîş nêameyo kerdiş. Namzeda Partîya Çep a Keske ya Muglaye Derya Hezere dîyar kerd ke îdîayê ke prosesê weçînayîşî de yenê kerdiş bi amacê tesrîkerdişê şarê Kurdî yenê kerdiş û vat ke tecrîdê serê Rayberê PKKyî Abdullah Ocalanî dewam keno. 

 

‘Seba ke rayê Kurdan bigêrî nê îdîayan vejenê raşte’

 

Deryaye da zanayîş ke weçînayîşî ra ver îdîayê winasî seba xo bi Kurdan şêrîn bimojnî yenê kerdiş û wina vat: “Şarê Kurd şaro ke polîtîka û her çîyî baş zano ra yo. Babeta Kurdan nuqtayêk muhîm a. Prosesê çareserîye ya serra 2013-2015î de se ra 85ê şarî paştî da prosesê çareserîye. Prosesêk tewr demokratîk ê tarîxî yê Tirkîya bî. No welatî de heta ke problemê Kurdî çareser nêkero problemê sewbîna zî nînê çareserkerdiş.”

 

‘Seba ka waştişê înan qebul nêbî tecrîd dewam keno’

 

Deryaye dîyar kerd ke îqtîdar her çend ke prosesê weçînayîşî de nîyaro serê ziwan zî tecrîdo bêhuqûqî û bêwijdanî dewam keno. Deryaye qiseykerdişê xo wina dewam kerd: “Şexsê Ocalanî de şarê Kurd muxatabê nê tecrîdî yo. Ne avûkat ne zî keye nêeşkenê pêvînayîş pê bîyarî. Nê caardişî vera huqûqê globalî yo. Çîyo ke wazenê nêeşkenê bi Ocalanî bidî vîrîkerdiş û coka ra zî tecrîd û îzolasyon dewam keno. no yeno manaya tecrîdkerdişê îdeolojîyêk ke dinya de vila bîyo. Wazenê îdeolojîyê ci tecrîd bikerî.”

 

‘Zilm û îmha esto’ 

 

Deryaye tewr peynî wina vat: “Polîtîkaya înkar û îmhayî tu cayêk de nîna qebulkerdiş. Nika seba hêrsê merdiman hewna bikerî û nê weçînayîşî de hêz bigêro peygoş zuran erzenî. La seke yeno zanayîş tecrîdê serê Abdullah Ocalanî dewam keno.”