AMED - Avûkate Pîrozhan Karalî ke îdarekarîya HDPyî ya Amedî de zî ca gêna derheqê veradayîşê gumanbaro sereyîn ê vînîbîyayîşê Gulîstan Doku, Zaînal Abarakov de qisey kerd û vat, êdî awe de ney ganî teber de cigêrayîş bêro kerdiş.

 

Wendekara unîversîteya Munzurî Gulîstan Doku Dêrsim de 5ê Çeleyî 2020 de "vînî bî" û reyke bîn zanayîş ci ra nêmae girewtiş. Dimayê vînîbîyayîşê ci keye Amed ra şi Dêrsim û seba vînîbîyayîşê ci gerre kerd. Nê ser de xebatê cigêrayîşî dest pêkerdî û netîceyê cigêrayîşan de dîmenê Gulîstaneê yê çend sanîyeyan ê serê Viyadukê Sarisaltukê verê Gola Awbendê Uzunçayirî de kewtebî verê kameraya wesayîtêke. Pêwa ke Dêrsim cayêke qij o û her wext bi mobesayan yeno taqîbkerdiş, derheqê Gulîstane de tu çîyêk nêame bidestkerdiş. Seba vînayîşê Gulîstane cigêrayîşî ameyî kerdiş zî tena bi cigêrayîşê çemê Munzurî de bi sînor mendî.

 

Serebût de Abarakov û bamarîyê ci  Engîn Yucel gumanbarê sereke ameyî vînayîş û derheqê înan de pêwa her çî cipersayîş nêame kerdiş. Heto bîn ra zî çarçewaya cipersayîşê ke Serdozgerîya Dêrsimî de kerd 17ê Adare de qezaya Alanya ya Antalyayî Zaînal Abarakov ame destbendkerdiş û dima ra zî veradayî.

 

Avûkate Pîrozhan Karalî ke îdarekarîya  HDPyî ya Amedî de ca gêna derheqê babete de qisey kerd.

 

‘Derheqê Gulîstane de çîyêk nêame vînayîş'

Pîrozhane bale ant serê cigêrayîşan û vat:  “Amancê cipersayîşêk bi tesîr oyo ke sûcê ameyê kerdiş bêceza nêmano. Gelo nê se kenê. Yan nê çîyêk bîn rê xizmet kenê? Ma hema zî tu çîyêk fam nêkerdo. Seba ke merdimî estê û reyke de zî werte wurzenê. Belê hewteyê ewil awe de cigêrayîş ameyî kerdiş. La derheqê Gulîstane de çîyêk nêame vînayîş."

 

'Cigêrayîş nîno kerdiş'

 

Pîrozhane vat, cigêrayîşo cidî nêkerdê û wina vat: "Vînayîşê cenazeye ci bibîne delîlê serebûtî.  Eynî wextî de cigêrayîş teber de biameyîne kerdiş zî do bibîne delîl. Seba nê zî tena awe de ci gêrayî. No ramojneno ke cipersayîşêk cidî nîno kerdiş. Gelo Gulîstane şî ça? Cayê ke şîya delîlî ameyî komkerdiş? Yan zî şî verê kamî? Gelo Gulîstane întîxar kerd? Yan zî çîyêk ardî sereyê aye? Na baete de cigêrayîş nêame kerdiş. Nê dir wazenê serê serebûtî padê.”

 

'Ganî keye û komel bêrê agahdarkerdiş'

 

Pîrozhane dewam de wina vat: “Nê serebûtî de her kes eşkeno bibo gumanbar yan zî nêbo gumanbar. Seba cipersayîşêk bi tesîr girewtişê agahîyan dir eşkenê îfadeyê gumanbarî bigîrê. Eynî hawa ganî îfadeyê keyeyê ci bêro girewtiş. Ganî na babete de komel û bi taybetî keyeyê Gulîstane bêro agahdarkerdiş.

 

‘Dozgerî cipersayîşêk bi tesîr nêkerd'

 

Pîrozhanê destnîşan kir ku di mijara dosya der barê Gulîstanê de xwe negîhandine tu agahiyekê û di dosyayê de kîjan îfade cih digirin jî nayên zanîn. Pîrozhane bale ant serê destbendkerdişê gumanbar Zaînal Abarakov û vat: “Zaînal gumanbarê sereke yeno zanayîş. Hetê keye û embazanê Gulîstane ra zî Zaînal gumanbarê sereke yeno vînayîş. La dozgerî na babete de cipersayîşêk bi tesîr nêkerd."

 

'Ganî teber de zî cigêrayîş bêro kerdiş'

 

Pîrozhane tewr peyîn wina vat: “Eke Tirkîya sererastkerdişêk lazim bêro vînayîş ke ganî vernî de seba polîtîkaya bêcezaverdayîşê bêro girewtiş, sererastkerdiş bêro kerdiş. Kesê ke awe de vînî benê, dimayê demêk bedenê înan maseno û kewenê serê awe. La serebûtê Gulîstane de çîyêk wina nêbi. No zî yeno manaya ke Gulîstane awe de nîya. Seba nê ganî awe de tena ney teber de û her ca de cigêrayîş bêro kerdiş."