Medya Uren

 

AMED - Ver bi roceyê Remezanî dir şar amadekariyê xo yê xidayî keno. Labelê seba krîzê ekonomî zêde kerdî û rotişê xidayan nêbeno. Esnafê Amedî vanê, remezan û roşanê remezanî de zî bereket nêverdayê.

 

Her ke şino krîzê ekonomî Tirkîya de kûr beno. Krîzo bîyaye tesîrê xo cuya rojane sewbîna serê amadekarîyê seba roceyê remezanî zî keno. Amadekarîyê xidayan ê seba roceyê remezanî ke 2yê Nîsane destpêkeno, dewam kenê. Esnafê ke vanê her serre ma destpêkê roceyî de heme xidayan destê xo de qedênenê, vanê  remezanî de girewtiş kêm bîyo. Esnafê ke vayî ra aciz ê vatî her serrêke şina ma werre bi serranê bînan anê.

 

‘Şar mecbûr maneno ke xidayê xiraban gêno’

 

Vernîya roceyê remezanî de bi taybetî xidayê sey xurma, tahîn, xidayê arayî û goşt ameyîne rotiş. Labelê nika zam ameyo serê heme xidayan. Bi taybet zî goşt xeylêk vay o. Enflasyonê serrêke se ra 54 berz bîyo. No zî bêguman tesîrê xo serê sifreyê şarî de keno. Esnafê ke xidayan roşenê, vayî wina ercnenê: "Yê eşkenê û yê roşenê zî problemê pîlan ciwîyenê. Coka her serra ke şina na rewşe tewr xirab bena. Verê remezan de no meydan pirr bîne. Ma seba rotişî nêresayîne ci. La çi heyf emsar şima vînenê dikanê ma veng ê. Şar tewr zêde şino xidayê kan, yan zî nêbaş gêno. Kam ci erjan bo ê gêno.”

 

‘Seba vayî şar nêeşkeno amadekarîyê remezanî bikero’ 

 

Esnafê ke rewşa bîyaye pare kerdî wina vatî: "Remezan de zî bereket nêverdayê. Seba vayî şar nêeşkeno amadekarîyê remezanî bikero. Rotiş çin o û lazim o  dest bierzê na rewşe. Do rewşa ma hemine tewr xirab bibo.” Esnafêke bîn zî wina cewab da persa ma ke penîr, zeytûn û mast çiqas bîyo vay: “Sera 300 vayî virazyaya. Yanî her çî goreyê verê bi 3 qatan yeno rotiş. Seba zamê sey ke remezan nêbo. Sey verî çîyêk nêmendo.”

 

Goreyê esnafî vanê amadekariyê roceyê remezanî dest pêkerdo zî bazar de girseyêk pîl çin o. Xeylêk kes zî bi persî dir sînordar manenê û dimayê vayî musenê kewenê munaqeşe.