ÎZMÎR - Merdimanê tepişteyan ra Besna Guney da zanayene ke midur Haydar Alî Ak ke newe tayînê Zîndanê Bûcaya Kiriklarî bîyo, tehda û tecrîd hîna kerdo zêde û dîqet ant serê grevê veyşanîya tepişteyan dawo destpêkerdiş. Besna eşkera kerd ke heya binpaykerdişî peynî nêbê, do çalakîya înan zî peynî nêro. 

 

Tecrîdo giran o ke Îmralî de dewam keno, tesîrê serê heme tepişteyan keno. Zîndanê Tîpê Fyî yê Humare ya 2yine ya  Bûcayê Kiriklarî yê Îzmîrî de netîceyê polîtîkayê tecrîdî de xeylêk binpaykerdişî yenê ciwîyayîş. 2021î de Midur Haydar Alî Ak tayînê Zîndanê Tîpê Fyî yê Humara 2yine ya Bûcaya Kiriklarê Îzmîrî de bi û netîceyê polîtîkayan de binpaykerdişê heqan yeno ciwîyayîş. Zîndanan de duştê caardişan 11 tepişteyan 28ê Teşrîna Peyîne ya 2021î de dest grevê veyşanîye kerd. Tepişteyî çalakîya xo dewam kenê, Bloka A ra ameyî girewtiş û eştê hucreya yew kesî. Meydanê ciwîyayîşî de kenef û hemam de kamera  ameya cakerdiş û serê hewanayîşî bi têlan ameyo piştişî û kitabî ameyê desteserkerdiş. 

 

Mudir Haydar Alî Ak Zîndanê Edîrneyî ra tayînê Zîndanê Bûcayê Kiriklarî ameyo kerdiş û bicaardişê xo yê xiraban yeno zanayîş. Yew tepişteyî ra ke bi amancê caardişê protesto bikero tepişte yo bi nameyê Abdullah Guney o. Dadîya ey Besna Guney vengdayîş  bi hêsgirî rayaumûmîye rê kerd. Besna ke eynî wextî de Dadîya Aştîye ya, da zanayene ke heya caardişê tecrîdî peynî nêbo do peynîya grevî zî nêro. 

 

‘Mîyanê zîndan de zîndan ciwîyayîş’

 

Besna Guney eşkera kerd ke midur Haydar Alî Ak bi caardişê sey tehda, heqaret, tehdîd û tecrîdo ke zîndanî de zîndan dano ciwîyayîş û verî zî, zîndanê ke caardişanê xiraban ra yeno naskerdiş. Besna vat ke midurî lajê aye hedef girewto û nê çîyî ardî ziwan: "Lajê mi çend rojî yo grev de yo. Wa hucre ra bêro vetiş. Heta nêberê qawîşa înan peynîya grevî nîyanê. 4 serrî yo mi betanî şawita la hema zî nêdayê. Paspasêke yo qij vera betanî de dayê. Çi werdiş danê, ma nêzanê. Çi kenê werdişan ma nêzanê."

 

‘Qetil kenê vanê întîxar o’ 

 

Besna diyar kerd ke, wextê ke hemsereka KCDyî Leyla Guven ke grev dabî destpêkerdiş zî kewtbi grev û 108 rojî grev de mendbî û nê ra ver çimê ey xerepîyayî. Besna nê çî eşkera kerdî: "Abdullah Ocalan 23 serrî yo yeno tecrîdkerdiş û tesîrêko negatîfî serê weşîyîya ey rê bena. Ez dadîya heme tepişteyan a. Wa tepişteyê nêweşî veradê,  wa bişawê verê dadîyanê înan. Qetil kenê vanê întîxar o. Kesêk bîlesebeb xo nêkişeno. Haydar Alî Ak zilm keno, heqaretan keno. Telefon û mektûban qedexe keno. Xora mabênê çar dêsan de yê. Wa destê xo serê nê şarî ra biancê. Ma cenazeyan nê, ma tutanê xo wazenê!"

 

‘Wazenê Kurdan esîr bigîrê’ 

 

Besna, vengdayîşê hîsgrîye ya rayaumûmîye û rêxistinê komelanê sivîlan kerd û vina vat: "Wazenê tutanê ma zîndanan de bihelesnê. La ma mîyanê adirî de bin zî ma do têkoşînê xo bikerê. Ê senîn Tirk ê ma zî wina Kurd ê. Tecawizkerdoxî û tacîzkerdoxî yenê veradayîşî la muebet danê ma. Ma tutê xo seba ê bikişê nêardî dinya! Ma însanîyetî wina ya? Wa sere ra nêweşî û heme tutê ma bêrê veradayîş. Cezaya înan biqedîyo zî vera nêdanê. Poşmanîye ferz kenê. Tepişteyê nêweş ê 70-80 serreyê vera nêdanê. Wazenê Kurdan hêsîr bigîrê." 

 

‘Ez o heta peynî înan dir bî’

 

Besna, peynî qiseyanê xo de nê vengdayîşî kerd: "Lajê mi 23 serrî yo tepişte yo, nê prosesî de 8 serrî zîndan bedilnayî. Her zîndanî de poşmanî ci rê ferz kerdî. Çirê lajê mi poşmam bibo? Haydar Alî Ak şîyo serê lajê mi û vato 'ez o şima bikişî.' Ewropa zî ci de kes veng nêkeno. Mengêke de 7 cenazeyî zîndanan ra vejîyayî. Çirê dewlete çîyêke nêvana? Kurdî nê zilmî qebûl nêkenê! Ma zilm ra nêtersenê! Ez Dadîya Aştîye ya û aştî wazena. Ma seba aştî ameyê û ma tutanê xo reyde yê. Êdî bes o! Wa kes nêmiro! Wa heme Kurdî aya bê! Sebebê nê merdişan dewlet a."