AMED - Tirkîya de welatî bi feqîrî dir têkoşîn kenê û her ke şino rewşe ver bi xirabîyayîşî şina. Cinîyê Amedî reaksîyon vera vayî dayî û dîyar kerdî ke meaşê ke yen okeye rojêke de qedêno.

 

Serra 2021î de vayîya her çî Tirkîya de ameye zêdekerdış û feqîrî zî ci dir zêde bî. La bi serran o ke reyke vayîye her çî zede kerdî. Seba vayîyêke yeno zêdekerdiş,  sînorê feqîrî kewto binê sînorê vêşanî û bi milyonan kesî na rewşe ciwîyenê. Kuçeyan de, bazar û keyan de rojeva sereyîn ê şarî krîzê ekonomî û vayîye yo. Nêrazîbîyayîş û reaksîyonê welatijan yê hemverê vayî her ke şino zêde beno.

 

Meaşêke yen okeye rojêke de qedêno

 

Remziye Yavuz: Seba ke vayîya her çî zêde bîyo ma êdî nêzanê se bikerê. Ne meaşî qîm kenê ne zî ma eşkenê debara xo bikerê. Îdare nêbeno, Nê şert û mercan de kes nêeşkeno lazimîyo xo bi ca bîyaro. Meaşê ke yeno keye zî rojêke de qedêno.

 

Alev Guneş: Ez bi taybetî nêeşkena lazimîyê tutanê bi ca bîyarî. Seba nê krîzî ma mecbûr mendê. Seba nê probleman ma pîr bî û na cuye ra ma nêeşkenê tehm bigîrê.

 

Fatma Memîş: Ma nêeşkenê debara xo bikerê û bi meaşê tewr tay ma perîşan kerdî. Çiqas meaş bide zî nê vayî de qîm nêkeno. Tirkîya rêze betal de rêza tewr cor de ya. Eke îmkanê ma bibê û ciwanê ma kar bivînê rewşe başêr bibo.

 

Serpil Kiyar: Ma vayî dir kewtî serra newe. Meaşo tewr tay ame zêdekerdiş la reyna qîm nêkeno. Vayîya gazî ameye zêdekerdiş, ceyran û awe zî zêde kerdî zam ame. Her ca de kaos û krîz esto. Kes êdî nêzano do se bikero.

 

Wendekarî hêvî teberê welatî kenê

 

Wendekare Eylem Karakuş: Ez wendekar a la bûrsê ke gêna kêm o, mi rê nêmaneno. Vayîya wargehî zî ame zêdekerdiş û vayîya otobusan zî zêde kerdî. Pereyê ke ma rê yeno qîmê ma nêkeno û ma nêzanê ke bidê ça. Eke ez unîversîta biqedînî  zî hêvîya mi çin o ke bîbî wayîrê karî. Seba xeylêk wendekarê ke qedênayî bêkar ê. Gama ke ma nê rewşe vînenê, negatîf tesir benê. Wendekarî hêvî teberê welatî rê kenê.

 

Wendekare Asya Karakuş: Bûrsê ma 850 TL ya la 350 şino wargeh. Reyna hacet û lazimîyê ma yê unîversîte estê. Pereyê ke manen oma do senîn pê biciwîyê. Şîyayîşê werdî zî ma nêeşkenê bide. Xora vayîya kitaban zî werte de yo.

 

Meaşê xo zêde keno la şarî perîşan keno

 

Heyat Aksu: Eke vayî zêde nêkerê û  kêm bikerê do şar zî bieşko boye bido. Mêrdeyê mi kar ra vetî. Ma kîra de yê la ma nêeşkenê kîraya xo bidê. Tutê mi veşanî şinê mekteb, veşan yenê. La Erdogan vano Tirkîya de feqîrî çin ê. Labelê meaşê xo rê zem keno, şarî zî pêrîşan keno. Tutê ma seba ke nêeşkenê debara xo bikerê, çîyê xiraban kenê sey tiryakî û fihûşê.

 

Hanimcan Akgun: Mêrdeyê mi betal a. Ma şert û mercê xirabî de ciwîyenê. Tutê mi wendekar ê la ma nêeşkenê înan rê kitab bigîrê. Ma faturayê ceyranî nêeşkenê bidê. Her çî vay o û vînayîşê karî zî xeylêk zehmet o.

 

Dewlemendî tewr zêde benê dewlemend feqîrê zî tewr zêde benê feqîr

 

Akîfe Guler: Ez şîya bazar xeylêk çî vay bî la mi zaf tay çî girewt. Çîyê ke mi girewtî 200 TL kerdî. Çîyêk nîno girewtiş. Meaşê ma 2 hezar o. Ma çîyêk nêeşkenê bigîrê û biwerê. Ma vanê ma şorba biwerê la a zî zaf vay a. Ma seba vayî nêeşkenê şêrê bazar û marketan.

 

Gulîstan Guneş: 4 tutê mi estê, na rewşe de xeylêk zehmetî ancenê. Xeylêk kesî nêeşkenê keyeyê xo rê nan bigîrê. Keyeyî nêeşkenê tutanê xo rê kitab bigîrê yan zî pêkayan bigîrê. Gama ke ez tuta xo rê çîyêk bigîrê yê bîn rê nêeşkena bigîrê xemgîn bî. Hukmat kesê dewlemendan tewr dewlemend keno, yê feqîran zî tewr zêde feqîr kene.