ÎZMÎR - Cinîya bi nameyê A. camêrdo ke waşt fek ci ra vera do, tecawuzê ci kerd û şîdet kerd. A. ke pêwa delîl da dadgehe, gumanbar nêame tepiştiş û wina vat: "Oyo ke destê mi ra ame mi kerd, yo bîn zî girêdayê edeleto ke bi ca nîno yo."

 

Îzmîr de cinîya bi nameyê A. camêrdo ke waşt dest ci ra vera bido, tecawuzê ci kerd û şîdet ci rê ame kerdiş. Pêwa cezaya durvistiş û kelepçe ke dîya gûmanbar zî A. reyna hetê ci ra ameye tehdîtkerdiş. A. têkoşînê hemverê polîs, hukmî û camêrdî kerd.

 

Tecawuz şîdet û tehdîd

 

Qezaya Çeşme ya Îzmîrî de 27ê Temmuze 2020î de A. hetê camêrdî ke waşt fek ci ra vera bido rastê tecawuzê û şîdetî ameye. A. ya hewl da întîxar bikero, hetê gûmanbar ra astengkerdiş û îşkence ci rê ame kerdiş. A. vat, verê zî şîdet dîbî û netîceyê ozrê gumanbarî de gerre nêkerdib. A. sewbîna dîyar kerd ke gumanbarî fotograf û dîmenê aydê ci desteser kerdê û vato ke do keye û embazanê ci rê bişawo û nê ser de ci ra pere û zerdî girewtê.

 

Qerekole zabitname nêgirewt, nêweşxane rapor nêda 

 

A.dîyar kerd ke gumanbar ameyo cayê karê ci û uca de serebût veto. Pêwa qerarê durfistişî gumanbarî tecawuzê ci kerdo, şîdet ci rê kerdo û bi KADESî veng daya polîsan. A. wina vat: “Polîsî ameyî keye, ez rewşa ke şîdet bi mi amebi kerdiş de dî. ‘ti gerre kena yan ney?' Ez berda Qereqolê Basin Sîtesî. Mi qerarê durfistişî da înan. Çend saetan uca de menda. Semedo ke şîdet bi mi kerd, hişê gêna têmîyan ro. Polîs verê ke raporê derbî bido girewtiş ez şawita keye. Embaza mi ameye keye. mi dî. Ma reyna şî qerekole. Mi gerre kerd. Polîsan vat, 'ma gênê ti vana çi.' Semedê raporê derb û raporê tecawuzî bigîrê şî Nêweşxaneyê cigêrayîş û Perwerdeyê Ataturkî. La semedo ke  qerekole zabitname nêgirewt, cipersayîş nêame kerdiş."

 

A. dîyar kerd ke derheqê tecawuzî de qeydê vengî esto û pêwa nê gumanbar serbest o û wina vat: "Dozgerî cipersayîş kerd. Tena îfadeyê polîsê ke Qerekolê Basin Sîtesî de bî ameyê girewtiş, la îfadeyê polîsanê cinîyan nêameyo girewtiş. Cipersayîşêk baş û zelal nêameyo kerdiş."

 

Pêwa qerarê durfistişî tecawuz kerd la nêame tepiştiş

 

A. dewam de wina vat: “Pêwa qerarê durfistişî gumanbarî tecawuz û şîdet kerd. Ez serrêke Merkezê Taqîbkerdiş û Vernîgirewtişî Şîdetî (ŞONÎM) paştdayîşê psîkolojîk gêna. Derheqê a şewe de hema çîyê ke nînê vîrê mi estê. Gumanbar di rey tecawuz kerd. Delîlê mi estê la hema zî serbest o. Tîya de dewlete mi kişena. Bi mengan ez nêkewta keyeyê xo. Mi kardî nêgirewte destê xo. Demo ke kewtêne keye mi ewnîyayîne pey xo ra. Mi xo eştêne keye, mi vatêne ez ewro zî bêmerg a. Prosesê dewa de mi serê Twîtterî de tehdîd kerd. Mi ŞONÎM û Mudurîyê Emniyetê Karabaglar rê neql kerd. Kelepçeyê elektronîkî kerdî.”

 

A. peynîya qiseykerdişê xo de dîyar kerd ke Tirkîya welatêk serdest yê camêrdan û vat: “Çîyê ke destê mi ra ame mi kerd, tîya ra tepya girêdayê edeletî yê hukmî yo."