AMED - Mudirîya Park û Baxçeyan ê Şaredariya Peyasî eşkerayîyêke vila kerd û dîyar kerd ke demê peyîn de bankê roniştişî û wareyê boydayîşî yê parkan bi hawayêk xirab yenê şuxilnayîş û veşnayîş. Sewbîna venga welatijan dayî ke wayîrê parkan û cayê boydayîşî vejîyê.

 

Eşkerayîye de ame vatiş ke nê hedîseyê xirabî demê peyîn de zêde bîyê. Bi taybetî, Parka Çinarî ya kîşte Camîya Hz. Elî yê Taxa Medyayî, bankê roniştişî yê wareyê boydayîşî saetê şanî de hetê kesê nênas ra ameyê veşnayîş û çopî dorê înan de ameyê vilakerdiş.

 

Dewamê eşkerayîye de wina ame vatiş: “Semedo ke welatijî wareyê zergûn de bi hawayêk asayîş û bêproblem bişuxilnê, kedêka pîle yena dayîş. Semedê nê hedîseyê veşnayîşî, ma venga welatijan danê ke wayîrê park û wareyê boydayîşî vejîyê û hedîseyê bi nê rengî de lezkî şaredarî agahdar bikerê.