Neslîhan Kardaş

 

WAN - Aktîvîsta TJAyî Hatîce Oktay derheqê armancê 'Serekî reyde Dîyalogê Cuya Azadî' de qisey kerd û va: "Armanc o yo ke bi hemkarîya tecrubeyo wendişê kolektîfî problemê komelkî pîya bêrê minaqeşe kerdene." 

 

Têgêrayîşê Cinîyanê Kurdan yê Ewropa (TJK-E), çarçewaya kampanyaya 'seba Abdullah Ocalanî çareserîye, seba problemê kurdî çareseyî' de destpêkê kampanya 'Serekî reyde Dîyalogê Cuya Azadî' da. Çarçewaya na kampanya de Kurdistan, Tirkîya û zaf cayanê Ewropa de cinî yenê têhet û cinî eleqayo gird nîşan danê. 

 

Aktîvîsta Têgêrayîşê Cinîyanê Azadan (TJA) Hatîce Oktay derheqê kampanya de qisey kerd. 

 

'Analîzê Abdullah Ocalanî perspektîfêko alternatîf pêşkêş keno'

 

Hatîce Oktay bale ant armanca bernameyî û wina îfade kerd: "Armanc no ya ke bi hemkarîya tecrubeyo wendişê kolektîfî, problemê komelkî pîya bêrê minaqeşe kerdene. Wendişê kitabanê Abdullah Ocalanî, têkildarê fikirê eyê xasî yê derheqê demokrasî, azadî û komelkî de yo. Teber ra sîstemê têduştî perspektîfêko alternatîf pêşkêş keno. Coka prosesê wendişî de tenya metnêk nê, eynî demî de ewnîyayîşêko newe yeno pêşkêş kerdene. Coka kitabê ey bi tesîr ê." 

 

'Fikirê bêvengî û nêyenê dîyayene, tîya de yenê dîyayene'

 

Hatîce Oktay dîyar kerd ke dîyalogo azad, wareyêko ke her kes bi hawayêko azad fikirê xo îfade keno yo û wina dewam kerd: "Ez hawirdorêko ke ferqî sey dewlemendî yenê dîyayene, rexne seba vurnayîşî yenê şuxulnayene xeyal kena. Bernameyê winasî nê mumkin kenê. Fikirê ke ameyê bêvengkerdene û nêdîyayene ra ameyê dîyayene. No zaf bi erj o. Badê wendişî ez xo newe ra fikirîyena. Ez terzê xo persena." 

 

‘Seba beşdarbîyayîşî vengdayîş’ 

 

Hatîce Oktay wina qedêna: "Tayê kitabê ke çarçewaya bernameyî de bîyî mi wendîbî. La bi komî wendişî tecrubeyo ferqî pêşkêş kerd. Ez her kesî rê nê kitaban pêşnîyaz kena. Nê kitabî tenya çîyan nêdanê musayene, eynî demî de şeklê fikir û ewnîyayîşî danê qezenckerdene. Ganî her kes nê metnan bişinaso. Ez venga beşdarbîyayîşî dana pêro cinîyan. Wa beşdarê bernameyê ma yê wendişî bibê."