AMED - Roniştişê dewaya rojnamegere Nurçan Yalçin de qerar ame dayîş ke rojnamegere Kibriye Evren ke semedê problemê weşîye sey şahide nêamî goşdarîkerdiş, ancî bêro goşdarîkerdiş. 

 

3ine roniştişê dewaya ke rojnamegere Nurcan Yalçin bi îdiayê “Bi zanebîyayîş û zerrîwazî hetkarîya rêxistine kerde” û “binpaykerdişê qanûnê astengkerdişê fînansmanê terorî” ra yena muhakemekerdiş 9ine Dadgeha Cezaya Giran ya Amedî de ame vînayîş. Nurcan Yalçin tewrê roniştişî nêbî, avûkatê aye Resûl Tamur hazir bî. Komeleya Rojnamegeranê Dîcle Firatî (DFG) û Komeleya Cigêrayîşê Medya û Huqûqî (MLSA) zî roniştiş taqîb kerd. 

 

Roniştişê dewa de avûkat Resûl Tamur qisey kerd û dîyar kerd ke rojnamegere Kibriye Evren ke roniştişê verî de qerar amebî dayîş, sey şahide bêro goşdarîkerdiş, semedê rewşa xo ya weşîye nêeşkabî tewrê roniştişî bibo. Resûl Tamur waştişê wedaritişê tedbîrê kontrolê edlî yê Nurcan Yalçin zî kerd.

 

Îmzayê semedê tedbîrî ame wedaritiş 

 

Heyetê dadgehe badê cû qerarê xo eşkera kerd û qerarê wedaritişê îmzayê semedê tedbîrî yê Nurcan Yalçine da, la semedê qedexeyê tebervejîyayîşê teberî dewam bikero, qerarê kontrolê edlî da. 

 

Dadgehe qerarê goşdarîkerdişê rojnamegere Kibriye Evren da û roniştiş taloqê 7ê teşrîna verêne kerd.