AMED - Emîne Al derheqê binpaykerdişê zîndanan û caardişê bêdemokratîk de qisey kerd û da zanayîş ke zîndanan de binpaykerdişê heqan yê giran û keyfî pê yenê.

 

Binpaykerdişê heqan yê zîndanan her ke şinê zêde benê. Tepişteyî hucreyê yew kesî de yenê tepiştiş, erey benê revîran, bi kelepçe benê verê doktor û mudaxaleyê fîzîkî yenê kerdiş. Xeylêk tepişteyî bi pêroyî cuya komelî ra yenê îzolekerdiş û surgunê bajarê dûrî yenê kerdiş.

 

Pêwa pêro caardişê selahîyetdaran tu çîyêk nêkenê. Demo ke prosesê aştî û demokratîkî yeno qiseykerdiş de merdimê tepişteyan wina vatî: “Nê caardişî çira hema dewam keno?”

 

Emîne Al da zanayîş ke kênaya aye Gulîstan Al û tepişteyê bînî binpaykerdişê heqî yê giran dir yenê rî bi rî.

 

Tepişteyan sewqê zîndananê dûran kenê

 

Emîne Al dîyar kerd ke kênaya aye zîndanêk ke înan rê dûrî yo de manena û va: “Kênaya mi ma ra zaf dûrî ya. Serre ra reyke eşkena şêrî. Ma şinê Kutahyayî heta ma şinê zîndan ma hîrê serwîsan vurnenê. Ez wazenê her aşmî şêrî la nêeşkena. Ez roşanê vîyarte de şîya. Kênaya mi waşt warezaya xo ya qij bivîna. Gardîyanan ra destur girewtibî. La çi heyf nêverdayî. Wextê pêvînayîşî de gardîyanan nêverda bebeke bêro zere. Kênaya mi waşt warzeya xo bivîna. Bi rojan verê zî destur girewtebî. La gardîyanan qebûl nêkerd. Ma zaf xemgîn bî. Çi heyf bebeke nêgirewtî zere ma mecbûr mendî yewo yewo bikewê pêvînayîş.”

 

Pêvînayîş de zî caardişê tecrîdî

 

Emîne Al dewam de wina va: “Bi rojan paweyê ma bî. Kelecanî bî. Pêwa nê zîndanan de binpaykerdişê heqê cidî est ê. Tepişteyanê nêweşan erey benê revîr. Kênaya mi hucreyî de manenê. Wazena cil û belgê adetî biderzno la destûr nêdanê nê. Pêvînayîşan de zî tecrîd est o. Gardîyanî mudaxale kenê. Vanê aştî la tehemulê înan çin o. Wa lezkî azadîya fîzîkî ya Birêz Ocalanî û tepişteyan pê bîyarê. Ma nê zulmî nêwazenê.”

 

Gulîstan Al kam a?

 

Gulîstan Al 2016ine de Edene de endamîya rêxistine ra tepişya. Zîndananê Osmanîye, Edene û Kayserî de mende. 2022ine de aşma nîsane de cezaya muebetî aye rê ame birnayîş û kerdî hucreya yew kesî. Kitabê Gulîstan Al yê bi nameyê ‘Reşo-Şorişgirêk ke zerrîya ey pirrî rehme’ Weşanxaneyê Aramî ra vejîya.