Neslîhan Kardaş

WAN - Emele Gelîbolu Gîderler derheqê qetilkerdiş û şîdetê cinîyan ser o qisey kerd û dîyar kerd ke cezayê ke semedê şikdaran yenê dayîş bêtesîr ê û va, no zî cesaret dano şikdaran.

Şîdetê cinîyan ser o roj bi roje giran beno û polîtîkayê bêcezayî zî cesaret danê şikdaran. Pêwa  mergê cinîyan de şik est o zî dosyayî binê nameyê întîxarî de yenê padayîş. Derheqê mergan de zî tu cipersayîşêk bi tesîr nîno kerdiş.

Komeleya Paştdayîş û Ercnayîşê Keda Cinîyan ê Îzmîrî Emel Gelîbolu Gîderler derheqê babete de qisey kerd.

Emel Gelîbolu Gîderler da zanayîş ke komeleya înan 20 serrî ya û derheqê cinîyan de xebatanê xo kenê. Emel Gelîbolu Gîderler wina va: “Ma Îzmîr de wayîrê wareyê pîl û weş ê. Ma paştdayîş danê cinîyan û problem çareser kenê. Cinî her tim semedê ma esas ê. Cayê cinî yê komelî de zaf muhîm o. Ma hem wazenê semedê cinîyanê keyeyan û cinîyê ke wareyan de yê, bibê hetkar.”

‘Xeylêk nimûneyê şîdetî est ê’

Emel Gelîbolu Gîderler dîyar kerd ke ê ku ew bawer kenê ke cinî her wareyî de do serkewtişê pîlan bidest bikerê û wina va: “Qetilkerdişê cinîyan birînê pîl ê. Ma her roje hedîseyê qetilkerdiş û şîdetî şinawenê. Ma her aşmî benê şahidê qetilkerdişê di, hîrê cinîyan. Ma sey komele çi destê ma ra yeno ma kenê. Ma dadgehan de cayê xo gênê û kîşte cinîyan de yê. Ma hetê ekonomî û manewî kîşte cinîyan de ca gênê. Ma bi pedagog, psîkolog û pisporê komelî û avûkatanê zerrîwazan dir şuxilênê.”

‘Ganî cinî her cayî de wayîrê rolî bê’

Emel Gelîbolu Gîderler dîyar kerd ke ê prosesêk ke ganî tutî bi baldarî bêrê pîlkerdiş ra derbaz benê û wina va: “Vanê ke cinî wa keyeyê xo de ruşê. La ganî cinî keye, mîyanê komelî de wayîrê rolî bê. Ganî  têgehê namûsî cinîyan rê nêro barkerdiş. Ganî cezayê şikdaran giran bê û bi bandor bê. Semedê cezayê bi tesîr nînê dayîş şikdarî cesaret gênê û sûcî dewam kenê.”

Emel Gelîbolu Gîderler bale ant serê qanûnê hûmara 6284 û wina va: “No qanûn destekê semedê cinîyan o. Ganî cinî kîşte cinîyan de ca bigîrê. Semedê vindarnayîşê qetilkerdişê cinîyan ganî ma vajê ‘ma tîya yê’.”