MERKEZÊ XEBERAN - 4 şaristananê kantonê Cizîrî ra karwanêk seba ke nobete dewr bigîrê, ver bi Awbendê Tişrînî rayîr kewt.

 

8ê çeleya emserrî ra yo ke şarê Vakur û Rojhelatê Sûrîye seba ke Awbendê Tişrînî hêrişanê dewleta tirke û çeteyanê aye ra bipawê, çalakîya nobete awbendî de daya destpêkerdene. Çalakî bi grûba kantonê Firatî dewam kena.

 

Şaristananê Qamişlo, Tirbespiyê, Amûdê û Til Hemîsî ra karwanêk seba ke nobete dewr bigîro, no serê sibayî ver bi awbende rayîr kewt.

 

Karwanî de tay kesî reya ewilin û tay kesî zî reya dîyîne û hîrêyîn a ke ca gênê.

 

Karwano ke çar şaristanan ra yeno pê, do nobete grûba kantonê Firatî ra dewr bigîro.