ANQARA - Done Gevher Koyun dîyar kerd ke şîdetê cinîyan ser cinî bi polîtîkayê bêcezaverdayîşî zêde beno û nê wextî de awankerdişê komelê demokratîkî wê zêdeyêr vengê cinîyan bidê eşnawitiş. Done Gevher Koyun wina va: “Awanbîyayîşê demokratîkbîyayîşî de do vengê cinîyan hîn asan bêro eşnawitiş. Do keda cinîyan tewr zêde bêro vînayîş û azadîya cinî hîn zêde xurt pê bêro.”

 

Endama Heyetê Îdareyê Merkezî (MYK) ya Konfederasyonê Sendîkaya Kedkarê Îstîmlakî (KESK) Done Gevher Koyun da zanayîş ke no proseso ke şîdet cinîyan sero zêde bîyo de, komîsyonê meclîsê awan bîyo bi cinîyanê sendîka û rêxistinê kede dir nîno kerdiş û no kêmîyêko.

 

Done Gevher Koyun, derheqê mîsyonê komîsyonî, polîtîkayê îqtîdarî yê derheqê cinî de qisey kerd.

 

Done Gevher Koyun dîyar kerd ke verê zî komîsyon amebî awankerdiş û va: “Bi hemkarîya partîyê sîyasî yê meclîsî komîsyonî ameyî awankerdiş. Eynî wextî de zî hetê wezaretê keye û xebatî de erjnayîşêk virazîya. Derheqê komkerdişê dayeyan de TUBÎTAK’î dir protokol ame îmzakerdiş û derheqê nê de ame vatiş do çareserî bêrê awankerdiş. Vatişê demî kewenê têgêrayîş la badê şino zemînêk nêçareserî. Nê komîsyonan sernameyê dîyarkerde ser o munaqeşe kerdêne. Poltîkayek yeno awankerdiş la nêkeweno pratîk.”

 

‘Cinî vengê xo berz kenê’

 

Done Gevher Koyun dewam de wina va: “Rêxistinê cinîyan dayeyan pare kenê la çi balkêş o ke dayeyê dewlete cinîyan dir têduşt nîyo. Cinî hemverê qetilkerdişê cinîyan de kewenê meydanan û vengê xo berz bikerê. Bi zîhniyetê serdest yê camêrdî de problem nêeşkeno bêro munaqeşekerdiş. Nê wextî ke şîdetê cinîyan ser o mîyanê keyeyî de yeno qiseykerdiş de keye sey pîroz yeno vînayîş û şîdetê cinîyan ser o mîyanê keye de nîno vînayîş.”

 

‘Ganî têduştîya cinsî yê komelî bibo’

 

Done Gevher Koyun bale ant serê xeylêk kêmîyê komîsyonî û va: “Ganî komîsyon zîhnîyet bivurno û polîtîkayan awan bikero. Ganî têduştîya cinsî bikerê sey polîtîka û hewcedarî bi zemînêk wina est o. No zemîn zî bi xebatê hempar mumkin o. Pêwa sererastkerdişê mewzuatê qanûnî de est o zî pê nêameyî û munaqeşe nêameyî kerdiş. Ganî munaqeşeyî bêrê hîrakerdiş. Ma bi îqtîdarêk ke cinî sey parçeyêk têduştî yê komelî nêvîneno dir rî bi rî yê. Hemverê şîdetê cinîyan ser o ganî polîtîkayê ke cinîyan keno merkez bêro awankerdiş. Ganî hemverê zîhnîyetê serdestî yê camêrdî de polîtîkayê xurt yê cinîyan bêrê kerdiş.”