RIHA-Hemsereka OHD’yê Riha Gul Fehîme Bînîcî da zanayîş ke heqê sereyîn yê cuye yê tepişteyan yeno binpaykerdiş û dîyar kerdî ke ganî binpaykerdişê heqan yê zîndanan bêrê çareserkerdiş.

 

Tepişteyê sîyasî bi binpaykerdişê heqan yê bêmerdimayî yenê rî bi rî. Polîtîkayê hemverê demokratîkî yê tepişteyan ser pê yenê, heqê esas yê cuye yê tepişteyan çin kenê. Hemsereka Komeleya Huqûqnasê Semedê Azadîye (OHD) ya Rihayî Gul Fehîme Bînîcî derheqê binpaykerdişê heqan yê zîndanan de ercnayîş kerd.

 

Avûkate Gul Fehîme bînîcî bale ant binpaykerdişê heqanê zîndanan ser û va: “Ma zanê ke heqê hêvîye, heqê weşîye û neqlkerdişî û heqê ziwanê dayîke yeno binpaykerdiş. Nê verê ra dewam kenê û her ke şinê giran benê. Xêrcê nê binpaykerdişan heqê hemverê têduştî pê yenê.”

 

‘Nê pêro qedexeyê caardişê îşkenceyî binpay kenê’

 

Gul Fehîme Bînîcî dîyar kerd ke binpaykerdişê heqan sere Îmrali û zîndanê asayîşê berzî yê sîyasî de pê yenê û va: “Binpaykerdişê zîndanê Îmrali û asayîşê berzî eynî yê. Bi nê binpaykerdişê heqan, heqê hêvîye yeno sînorkerdiş. Heqê ziwan, agahî girewtiş, pêvînayîş û cigêrayîşî. Bi hawayêko şîdet cigêrayîş yenê kerdiş. Demê cigêrayîşan de wareyê taybetî verê çiman de nînê girewtiş. Nê pêro qedexeyê binpaykerdişê îşkence û caardişê nêbaş binpay keno. Ma zanê ke nê caardişê keyfî û hemverê rumetê merdimayî yê. Ganî îdare wareyê taybetî yê tepişteyan verê çiman de bigîro.”

 

‘Tepişteyî semedê şêrê nêweşxane sewqkerdiş nêwazenê’

 

Gul Fehîme Bînîcî wina va: “Tepişteyî demê sewqkerdişê nêweşxaneyan de probleman ciwîyenê. Nê semedî ra nêwazenê şêrê nexweşxaneyan. Zîndanan de dermankerdişê rutînî nînê kerdiş. Semedo ke rewşa tepişteyan giran bena. Raporanê ma û ÎHD’yî yê verî de zî no yeno vînayîş. Tu çîyêk ameyo vurnayîş çin o. Sewqkerdişan de tepişteyî probleman ciwîyenê. Nê semedî ra nêwazenê sewqê zîndanan bêrê kerdiş. Rewşa înan giran bena. No zî binpaykerdişê heqan o. Çi heyf tepişteyê ke rewşa înan giran a, est ê. Krîzê qelbî derbaz kenê.”

 

‘Muhtewayê cezayanê dîsîplînan veng û bêbingeh ê’

 

Gul Fehîme Bînîcî bale ant cezayanê dîsîplînî yê keyfî ser û dîyar kerd ke muhtewayê înan bêbingeh ê. Gul Fehîme Bînîcî wina qedêna: “Binpaykerdişê heqan yê tepişteyanê cinîyan ser o hîna zêde yê. Pêro caardişê ke ma rêz kerdî, tepişteyê cinîyan rê zî yenê caardiş. La binpaykerdişê cinîyanê tepişteyan ser o sînordar nîyê. Semedo ke cinî rastê helwestê cinsperest yenê. Nêzdîbîyayîşê xebatkarê zîndanî cinsperest ê. Wextê cigêrayîşan de ma eşkenê nê vajê. Hewcedarîyê taybetî yê cinîyan verê çiman de nînê girewtiş. Çi heyf binpaykerdişê heqê tepişteyê cinîyan ser hîna zêdeyêr ê.”