AMED - Cemîyetê Rojnamegeran ê Başûrê Rojhelatî (GGC) reaksîyon vera destbendkerdişê 6 rojnamegeran mojna û waşt behuhûqî peynî bibo û rojnamegerî serbest bêrê veradayîş. 

 

Cemîyetê Rojnamegeran ê Başûrê Rojhelatî (GGC) derheqê sereştişê Şaredarîya Bajarê Pîlî ya Wanî û destbendkerdişê 6 rojnamegeran de eşkerayîyêke nuşteyî da. 

 

GGC'yî da zanayîş ke destbendkerdişê rojnamegeran hêrişêk hemverê azadîya neqlkerdişî, heqê agahî nêgirewtişî yo û wina vat: “Rojnamegere Rabîa Onver, Bîlal Babat, Mehmet Guleş, Medîne Mamedoglu, Behçet Bayhan û Rûşen Takva demê taqîbkerdişê xeberan de ameyî destbendkerdiş û ma destbendkerdişê înan qebûl nêkenê. Tirkîya de demê taqîbkerdişê xeberan de destbendkerdişê rojnamegeran sewîyeya zext û bêhuqûqî yo û azadîya çapemenîye fîneno çiman ver.”

  

Eşkerayîye de ame vatiş ke rojnamegerî hedîse taqîb kenê û wina ame vatiş: “Bi hawayêk azad karkerdişê rojnamegeran semedê komelêk demokratîk çîyêk fek ci ra nîno veradayîş o. Destbendkerdişê rojnamegeran, heqê şarî yê agahî girewtişî asteng keno û zextê çapemenî ser zêdeyêr keno. Ma venga selahîyetdaran kenê; wa bêhuqûqîyê hemverê rojnamegeran peynî bibê, rojnamegerê ke ameyê destbendkerdiş wa serbest bêrê veradayîş û azadîya neqlkerdişî bêro qetîkerdiş.”