MERKEZÊ XEBERAN- Stenbol de fotografê Rayberê PKK'yî Abdullah Ocalanî û Dîlok de zî pankartê “Mijdanîya Rojê ma do pêro rojê sîyayî roşn bikero” ame daliqnayîş

 

Komployê mîyanneteweyî yê 15ê Sibate yê hemverê Rayberê PKK’yî Abdullah Ocalanî Dîlok û Stenbol de, bi pankart û nuşteyê dêsan ser o ame protestokerdiş.  

 

Stenbol 

 

Cinîyê Ciwanî yê Partîya Têduştî û Demokrasî (DEM Partî) û Meclîsê Ciwanan ê Stenbolî, bi wesîleya 15ê Sibate, vizêr şan de taxê Bahçelîevler û Esenyurtî yê Stenbolî çalakîyêke organîze kerd.

 

Qeza de posterê Abdullah Ocalanî û pankartê "Roja tarî ra ver bi azadîye" daliqnayî û dêsan ser o zî "Bimiro Komployê 15ê Sibate" û “Şima nêeşkenê Rojê ma sîya bikerê” ameyî nuştiş. 

 

Dîlok 

 

Komployê mîyanneteweyî yê 15ê Sibata 1999ine ê hemverê Rayberê PKK’yî Abdullah Ocalanî de xeylêk taxê Dîlokî hetê ciwanan ra ame protestokerdiş. Ciwanan, bi wesîleya 26ine serrgêra komployî de xeylêk cayan de pankartê “Mijdanîya Rojê ma do pêro rojê sîyayî roşn bikero" û "Rojê sîya ra ver bi azadîye” daliqnayî. Sewbîna xeylêk dêsan ser o zî nuşteyê, "Bimiro komployê 15ê Sibate” û “Şima nêeşkenê rojê ma sîya bikerê” ameyî nuştiş.