Gulistan Gulmuş - Derya Ren 

 

AMED - Cinîyê Amedî reaksîyon vera hêrişê hemverê Vakur û Rojhelatê Sûrîye mojnayî û vatî: "Ma paştdayîşê xoverdayîşê Awbendê Tişrînî kenê." 

 

Rejîmê Baasî 8ê kanûne de hetê Heyetî Tehrîr el Şam (HTŞ) û hêzê hegemonî ra ame rijnayîş. Badê rijnayîşê rejîmî sere de Sûrîye û Vakur û Rojhelatê Sûrîye hewldayîşê kaosî dest pêkerd. Dima ra zî hêrişê Vakur û Rojhelatê Sûrîye ame kerdiş. Bi taybetî zî Qerekozax û Tişrîn de cayê sey stratejîkî hedef ameyî girewtiş. 

 

Hemverê hêrişan de şarî dest bi çalakîya nobete kerdî. Çalakîya nobete 8ê çeleyî heta ewro hêrişê SÎHA'yî bi xoverdayîşêk pîl dewam keno. Netîceya hêrişan de heta nika 24 kesî ameyî qetilkerdiş. Xoverdayoxan, nobete de da zanayîş ke do heta peynî pawitişê herre û awa xo bikerê. 

 

Partîya Demokratîke ya Herêman (DBP) û Partîya Têduştî û Demokrasî (DEM Partî) badê pêvînayîşê Rayberê PKK’yî Abdullah Ocalanî dir, xebatê xo yê bajarê Kurdistanî û Tirkîya bi sloganê, "Pêvînayîşê aştîya komelî û azadîye" dewam kenê. Yew nê bernameyan ra zî "Mîtîngê Azadîye" ya 8ê sibate de qezaya Yenîşehîrî ya Amedî de Meydanê Îstasyonî de pê amebî. Cinîyê ke tewrê mîtîngî bîyî, ajansê ma yê JINNEWS'î rê qisey kerdî û bale antî serê hêrişê hemverê Vakur û Rojhelatê Sûrîye û xoverdayîşê Awbendê Tişrînî.