ANQARA - DAÎŞ’î serra 2015ine de wextê mîtîng ameyîne organîzekerdiş, Garê Trenî yê Anqarayî hêrişê bombayî pê ard û kesê ke ameyî qetilkerdiş aşma 112ine de ameyî yadkerdiş.

 

10ê teşrîna verêne 2015ine de Anqara de DAIŞ’î Mîtîngê Kede, Demokrasî û Aştîye de hêrîş pê ard û 104 kesê ke nê hêrişî de amebî qetilkerdiş, aşma 112ine de ameyî yadkerdiş. Yadkerdiş cayê ke qirkerdiş bî de, ame kerdiş. Bernameyê yadkerdişî bi serkêşîya Komeleya Aştîye ya 10ê Teşrîna Verêne ame organîzekerdiş û xeylêk kesî beşdarê yadkerdişî bîyî. Kesê ke beşdarê yadkerdişî bîyî sloganê; ‘10ê Teşrîna Verêne xo vîr ra meke, mede xovîrrakerdiş’, ‘Şerî rê nê, lezkî aştî’ ameyî berzkerdiş.

  

Hemsereka Komeleya Aştîye ya 10ê Teşrîna Verêne Mehtap Sakîncî bernameyê yadkerdişî de qisey kerd û wina vat: “Aşma 112ine de Garê Anqarayî de cayê hedîse de semedê 104 canê xo ma yad bikerê, ma tîya yê. 112 aşmî derbaz bîyî. 112 aşmî yo ma binê vatişêk xêz kenê û vanê; ma do têkoşîn dewam bikerê û semedê têkoşînê xo yê edaletî nêdê xovîrrakerdiş, çi destê ma ra yeno, ma do bikerê.”

 

Bernameyê yadkerdişî bi darê daliqnayîşê potik ke bi dest ameyo viraştiş û nameyê kesê ke ameyê qetilkerdiş nuştibî, peynî bî.