AMED - Ma pêvînayîşê Heyetê Îmraliyî yê Rayberê PKK'yî Abdullah Ocalanî dir şarê Amedî ra pers kerd. Amedijan dîyar kerd ke pêvînayîş pozîtîf derbaz bîyo û dîyar kerdî ke bawerîya înan bi dewlete nîno.

 

Heyetê Îmraliyî yê Partîya Têduştî û Demokrasî (DEM Partî) semedê Rayberê PKK'yî Abdullah Ocalanî dir pêvînayîş bikerê, vizêr reya diyîne muracatê Wezaretê Edaletî kerd. 

 

Heyetê Îmraliyî yê DEM Partî ke Pervîn Buldan û Sirri Sureyya Onder mîyan de ca gênê, 28ê Kanûne de Rayberê PKK'yî Abdullah Ocalan dir ke Îmraliyî de binê tecrîdî de yeno tepiştiş, yewin têkiliyê sîyasî pê ardî. Heyet badê nê têkiliyê sîyasî dest bi turê agahdarkerdişî yê di hewteyan kerd û serê 7 madeyê sîyasî serdayîşê partîyê siyasî yê ke meclîs de komê înan est ê kerd. Heyet serdayîşê sîyasetmedare Fîgen Yuksekdag, Selahattîn Demîrtaş, Leyla Guven, Semra Guzel û Selçuk Mizrakli kerd. 

 

 

Ma pêvînayîşê ke Abdullah Ocalanî dir pê ard, şarê Amedî ra pers kerd.

 

Xeylêk cinîyê ke ma mîkrofonê xo dergê înan kerd, pêvînayîşê Abdullah Ocalanî dir pozîtîf vînayî û ardî ziwan ke Heyetê Îmraliyî bi baldarî nêzdî bibo û ganî bawerî bi dewlete nêyarê.