MÛŞ- Derheqê akademîsyenêk/e ke Beşê Ziwan û Edebîyatê Kurdkî de mamoste bî, semedo ke destûr da kitabê ke kitabxaneyê unîversîte de yê bêrê wendiş, cipersayîş dîya destpêkerdiş.

 

Akademîsyenêk/e ke Unîversîteya Mûş Alparslanî de Beşê Ziwan û Edebîyatê Kurdkî de sey mamoste şuxilêno/a, dersanê xo de kitabê ke dayî wendiş bi sebebê, “muhtewayê sîyasî kitaban de est ê û munasib nîyê” ameyî mojnayîş û cipersayîş dîya destpêkerdiş.

 

Goreyê xebera Evrenselî, kitabê ke lîsteyê kitabxaneyê unîversîte de ca gênê, bi serran o ameyê çapkerdiş. Mîyanê nê kitabê ke hetê Wezaretê Kulturî ra ameyê tesdîqkerdiş kitabê Fatma Savci yê Weşanxaneyê Avesta ra çap bîyo, kitabê Aryen Arî yê ke Weşanxaneyê Sorî de çap bîyo û kitabê şîîrî yê Cegerxwînî est ê. Derheqê nê kitaban de tu cipersayîş û qedexe çin o.