MERKEZÊ XEBERAN - Heyetê Şingalî ke îdareyê xoserî û TAJÊ pê ameyîne, bî di rojî yo Rojawanê Kurdistanî de yo, şî serdayîşê koçberê Efrîn û Şehbayî.

 

Heyetê Şingalî ke vernîya di rojan pêwa karwanêk hetkarî derbazê Rojawanê Kurdistanî bî û hetkarîya ke berdîya teslîmê îdarekarîya xoserî ya Rojawanî kerdî, dest bi rêze serdayîş û pêvînayîşan kerd.

 

Heyetê Şingalî ke Hemsereka Îdareya Xoserî û Demokratîke ya Şingalî (MXDŞ) Cîhan Celo û Verfeka Têgêrayîşê Azadîya Cinîyanê Êzidîyan (TAJÊ) Rîham Hico pê yeno, serdayîşê koçberê Efrîn û Şehba yê Kantonê Cizîrî kerdî û silamê şar û pêameyîşê Şingalî vatî. Heyetî, paştdayîşê xo koçberan dir pare kerdî û dîyar kerdî ke şarê Şingalî heta peynî do destek bidê înan.