Şehrîban Aslan

 

AMED - Avûkate Gevrîye Atli cezaya qetilkerdişê Narîne rê ameya birnayîş û sewîyeya cipersayîşî ercna û vat: “Hêzê asayîşê erey xo resnayî delîlan. Yewin sebebê xoresnayîşê delîlan ereymendiş bî. Delîlî rew biameyîne bidestkerdiş do rewşe cîya bibayîne.”

 

Roniştişê dewaya Narîn Gurana 8 serrî ke dewa Çulî ya qezaya Rezanî ya Amedî de 21ê Tebaxe de vînî bî û 8ê êlule de cenazeya aye ameye vînayîş, mabêne 26-28ê kanûna 2024ine de ameye vînayîş. Dadgehe cezaya muebetî şikdar Enes Guran, Yuksel Guran û Salîm Guranî rê birna. Eynî wextî de şikdar Nevzat Bahtiyar zî sûcê ‘çinkerdişî delîlan’ 4 serrî û 6 aşmî ceza birna.

 

Avûkate Gevrîye Atli derheqê dewa de û cezaya ke şikdaran rê ameya birnayîş de ercnayîş kerd.

 

‘Ma bi baldarî cipersayîş kerd’

 

Avûkate Gevrîye Atli vat, Baroyê Amedî destpêk ra dosya de ca girewto û vat: “Roja ewilî ra ma babete ser o vindertî. Dewe de her kes bişik bî. Çi heyf şikdarî keye ra vejîyayî û yê tewr nêzdî bî. Ma sey baro komîsyonêk 15 avûkatan ra pê ameyîne awan kerd û taqîb kerd. Tirkîya de reya ewilî tewrbîyayîşê baroyêk ame qebûlkerdiş. Ma bi baldarî proses taqîb kerd.”

 

Ma berd îstînaf

 

Gevrîye Atli bale ant cezaya şikdar Nevzat Bahtiyarî ser û vat, ma qerar berdo îstînaf û badê ercnayîşê îstînafî do proses dewam bikerê. Gevrîye Atli dîyar kerd semedo ke dewa bi bêcezaverdayîşî netîce nêbo, zaf têkoşîn kerdê û vat, dosya rojeva Tirkîya de ca girewta.

 

Gevrîye Atli tewr peyîn dîyar kerd ke avûkatê şikdaran, vîdeoyêk de cipersayîşê şivanî ser o baro hedef mojnayê û vat: “Ma sey baro dosya taqîb kerd. Bi desine dîmen û îxbarî ameyî. Ma bi baldarî cigêrayîş kerd. Yewin armancê ma kiştoxê Narîne bêro vînayîş û muhakemekerdiş bî.