MERKEZÊ XEBERAN - Ame neqlkerdiş ke tepişteya sîyasî Şerîfe Mihemedî ke zîndanê Lakan ê bajarê Reştî yê Îranî de yena tepiştiş, semedê tedawî şirawitî nêweşxane.

 

Ajansê HRNAyî derheqê rewşa tepişteya sîyasî Şerîfe Mihemedî de xeberêke pare kerd. Xebere de ame dîyarkerdiş ke tepişteya sîyasî Şerîfe Mihemedî ke zîndanê Lakanî ya bajarê Reştî de semedê tedawî şirawitî nêweşxaneyêk teberê zîndanî.

 

Xebere de ame vatiş ke no demêk derg o nêkûkê Şerîfe Mihemedî iltihab girewtê û a nêweşî derbazê mîyanê destanê aye bîya. Ame dîyarkerdiş ke rewşa aye ya weşîye baş nîya.

 

Çalakîkere û kedkara heqê cinîyan Şerîfe Mihemedî (45) şarê bajarê Urmiye ya û bajarê Reştî de nişnena ro. Şerîfe Mihemedî kanuna 2023ine de bi sebebê "Propagandaya hemverê dewlete" kerda, amebî destbendkerdiş û 4ê temmuza 2024ine de hetê Dadgeha Şorişê ya rejîmê Îranî ra cezaya dardekerdişî aye rê birna bî. Badê nê 12ê teşrîna verêna emserî de qerarê cezaya dardekerdişî Şerîfe Mihemedî rê amebî birnayîş, xira kerdibî.