MERKEZÊ XEBERAN - Merkezê Kultur û Hunerî yê Wargehê Multecîyan ê Mexmûrî serra newî bi gêrayîşê Kosegerê ke wargeh de sey adetêk o, ame pîrozkerdiş.

 

Wargehê Multecîyan ê Şehîd Rustem Cûdî (Mexmûr) serra newî hetê Merkezê Kultur û Hunerî yê Mexmûrî (NÇHM) bi gêrayîşê kosegerî ame pîrozkerdiş.

 

Pîrozbayî Merkezê Kultur û Hunerî destpê kerd û Meclîs, Şaradarî, dikan û keyeyê wargehî de gêrayî û serra newî bi coş û kelecanêk pîl pîrozkerdî. Sewbîna xeylêk dikandar û keyeyan zî pere dayî kosegeran.