Derya Ren

 

RIHA - Şorişgêra enternasyonalîste Dîana Montseny derheqê hêrişê hemverê Vakur û Rojhelatê Sûrîye de qisey kerd û vat: “Kobanê nimûneyê destkewtişê şarê kurdî yo. Tirkîya wazena hêvîya ma bişikina. Yê ke uca de xo ver danê est ê. Ma zî tîya paştdayîş danê xoverdayîşê înan.”

 

Kewtişê hukmatê Şamî dir, Tirkîya hawirê kaosî yê ameyê awankerdiş de feyde girewt û hemverê Vakur û Rojhelatê Sûrîye de hêrişî dayî destpêkerdiş. Tirkîya sewqîyatê leşkerî yê semedê sînorê Kobanê da destpêkerdiş û bêvengîya rayaumûmî zî dewam kena.

 

Katalan zî ke Spanya de sey kurdan ke Vakur û Rojhelatê Sûrîye sîstemêk xoser awan kerdî, têkoşînêk xoser kenê. Înan ra yew zî Katalonya de têkoşînê ziwan û nasnameyî dana cinîya bi nameyê Dîana Montseny a. Dîana Montseny heta 2014ine têgêrayîşê femînîst de ca girewta. 2014ine de Şorişê Rojawanî yê bi serkêşîya cinîyan ame destpêkerdiş nas kerd. Dîana ke prosesê Şorişê Rojawanî de ca girewte, pêwa têkoşînê cinîyan,  têkoşînê azadî û demokrasî yê şaran de zî ca girewte.

 

Dîana Montseny ke semedê Şorişê Rojawanî xebatê dîplomasî kena, tehîdê Tirkîya yê hemver Vakur û Rojhelatê Sûrîye û ganî enternasyonalîst çi bikerê de JINNEWSî rê qisey kerd.

 

‘O yo ke hedef yeno girewtiş modelê cuya newe yo’

 

Dîana Montseny vat, aye her kesê ke Vakur û Rojhelatê Sûrîye de xo ver danê silam kena û wina vat: “Hêrişê Tirkîya yê hemverê Rojawanî babeta asayîşî nîya, ya îşxalkerdişî ya. Tirkîya bi nê hêrişan wazena ke xerîtaya rayîro xo pîl bikera. Senî ke Girê Spî, Serêkanî û Efrîn îşxal kerd nika wazena ancî wina bikero. Modelê cuya newe yê bi serkêşîya kuran Rojawan de ameyo awankerdiş, hedef gênê.”

 

Ruhê Kobanê

 

Dîana Montseny dewam de wina vat: “Semedê nê sîstemî, xeylêk bedelî dîyayî. Şehîdê ma yê enternasyonalîstî estbî. Ma prosesê Kobanê de vîna, şehîd bîyî. Wazenê bi hêrişê winasî mesajêk bidê ma enternasyonalîstan. La nika ma têkoşîno ke yeno kerdiş vînenê. Senî ke serra 2014ine de xoverdayîşê Kobanê dir cewab dîyî, do bi eynî hawayî zî ceqab bidê. Kobanê sembolê destkewtişê şarê kurdî yo. Tirkîya wazena hêvîya ma bişikino, yê ke uca de xo ver danê est ê û ma do uca de zî paştdayîş bidê xoverdayîşê înan. Ganî hemverê hêrişê Tirkîya vengo hempar bêro berzkerdiş. Ganî ruhê Kobanê newe ra vejîyo werte."

 

‘Ma tîya yê’

 

Dîana Montseny bêvengîya dezgehê mîyanneteweyî yê hemverê hêrişan de zî rexne kerd û vat: “Sîstemê kapîtalîst, sîstemo ke Vakur û Rojhelatê Sûrîye ameyo awankerdiş ra terseno. Semedo ke terseno no sîstem dinya rê vila bibo. Venga mi semedê pêro enternasyonalîstan rê no yo. Bêrê ma vejîyê wareyan û vengê Rojawanî bidê eşnawitiş. Şima eşkenê şêrê wareyan û hetkarîya Heyva-Sor bikerê. Ez kesê ke uca de xo ver danê ra vajî, ma sey enternasyonalîstî her tim tîya yê. Semedo ke ma vînenê ke nika rewşe senîn a.”