MERKEZÊ XEBERAN - Rojnamegerê ke semedê yadkerdişê hevalanê xo yê ke ameyê qetilkerdiş, amebî tepiştiş, IFJyî semedê veradayîşê înan veng da.

 

Rojnamegerî Gulîstan Dursun, Hayri Tunç, Enes Sezgîn, Osman Akin, Can Papîla, Pinar Gayîp û Serpîl Unalî ke 21ê kanûne de çalakîya ke Stenbol de semedê rojnamegeranê ke hêrişê SÎHAyê Tirkîya de ameyê qetilkerdiş Nazim Daştan û Cîhan Bîlgînî viraştbî, tepişîyayî. Federasyonê Rojnamegeranê Mîyanneteweyî (IFJ), hesabê xo yê medyaya dîjîtale ra derheqê 7 rojnamegeran de eşkerayîyêke da û veng da ke rojnamegerî bêrê veradayîş.

 

IFJyî platformê Xî ra eşkerayîye xo de vat: “Tirkîya de 21ê kanûne de çalakîya ke Stenbol de semedê protestokerdişê qetilkerdişê rojnamegeranê kurdan Nazim Daştan û Cîhan Bîlgînî yê ke Rojawan de ameyê kiştiş, ameye viraştiş de tewr tay 7 rojnamegerî ameyî tepiştişî. Ma veng danê selahîyetdaran ke wa înan ca de vera bidê.”