STENBOL - Avûkatê Buroyê Huqûqî yê Asrinî semedê pêvînayîşê muwekîlê xo Rayberê PKKyî Abdullah Ocalanî dir bikerê, muracatê Serdozgerîya Bûrsayî û Mudurîyê Zîndanê Îmraliyî kerd.

 

Avûkatanê Buroyê Huqûqî yê Asrinî ra Îbrahîm Bîlmez, Cengîz Yureklî, Emran Emekçî, Sûzan Akîpa semedê pêvînayîşê bi Rayberê PKKyî Abdullah Ocalan ke Zîndanê Padayeyê Tîpê Fyî yê Asayîşê Berzî yê Îmraliyî de yeno tepiştiş, Serdozgerîya Komare ya Bursayî û Midûrîyê Zîndanê Îmralî muracat kerd. Heto bîn ra avûkatan, semedê pêvînayîşê Omer Hayrî Konar, Hamîlî Yildirim û Veysî Aktaş zî hem muracatê dozgerî û hem zî midûrîyê zîndanî kerd. 

 

Xeylê serdayîşê semedê pêvînayîşê Abdullah Ocalanî, Omer Hayrî Konar, Hamîlî Yildirim û Veysî Aktaşî nînê cewabkerdiş. Pêvînayîş, her 6 aşmî ra reyke hetê Dadgerîya Înfazî ya Bursayî ra bi sebebê “cezaya disiplînî” yenê astengkerdiş. 

 

Qedexeyê pêvînayîşî avûkatan dir temamê Rewşa Awarte (OHAL) ra temmuza 2016ine de dewam kerd û no çî heta sibatê 2018ine dewam kerd. Waştişê pêvînayîşî yê avûkatan dimayê nê tarîxî ra her 6 aşme ra reyke ame reynakerdiş û heta ewro dewam keno. Qerarê qedexeyê pêvînayîşî yê semedê 6 aşmî yê tewr peyîn zî 3yê gulana 2024ine de hetê Dadgerîya Înfazî ya Bursayî ra ame dayîş.

 

Qerarê peyîn dir mîyanê 8 serran de tewr tay 14 rey semedê 6 aşmî cezaya pêvînayîşî avûkatan rê ame dayîş.