Dîlan Babat

 

ANQARA - Proseso ke hemşaredara verî ya Qereyazi Melîke Goksu ke nika Zîndanê Cinîyan ê Sîncanî de tepişte ya, malzameyê zînetî û pereyê çenteyê aye de kêmî derbazê zabitnameyî kerdî. Melîke derheqê nê de gerre kerd û derheqê Melîke de bi îdiayê ‘tehdîdê bi nîtelîk’ ceza dîya û derheqê Mudûrê TEMî ke zabitname girewtibî, tu zabitname nêame girewtiş.

 

Hemşaredara verî ya Qereyazi ya Erziromî ya HDPyî Melîke Goksu, zîndanê cinîyan ê Sîncanî ra JINNEWSî rê mektûbêke şirawite û binpaykerdişê heqan yê wextê tepiştişî û prosesê dewa de qalî kerd.

 

Semedê polîsan nê semedê aye ceza ameye birnayîş

 

Melîke, dîyar kerd ke 19ê êlule 2019ine de bi sebebê cigêrayîşê aye est o ameya destbendkerdiş û badê ke ameya destbendkerdiş, emnîyetî bê avûkatî waşto îfadeyê aye bigîro û a zî qebûl nêkerda. Melîke wina vat: “Mi vat ke ez o dozgerî de çîyê ke est ê qal bikerî. Wexto ke mi berdî emnîyet nêverdayî ez çanteyê xo yê wesayîtî de bigîrî. Wesayît de cigêrayîş kerdî. Bê mi çenteyê mi ra ewnîyayê û malzemeyê min ê zînetî û pereyê mi girewtê û kerdibî zabitname. Mi zî vat, ez nê zabitnameyî qebûl nêkena û mi vat, çenteyê mi bidê mi û mi vat kêmî yê. Mudûrê TEMî vat, ‘şima pêro terorîst ê, do kam nê vatişanê to ra bawer bikero? Ti îmza nêkena meke.’ Oda ra vejîya. Wexto ke vetî dozgerî mi rewşe qal kerd û gerre kerd. Mudûrê TEMî îdia kerd ke mi înan tehdîd kerdo, derheqê mi de zabitname girewtê û ‘heqaret û tehdîdî’ ra dewa ameye akerdiş. Mi dadgehe de vat, dîmenê kamerayan temaşe bikerê û analîzê vengî bikerê. Pêwa ke dadgehe nê dîmenî emniyet ra waştî, cewabêk nêame dayîş. Pêwa nê bi îdiaya ‘endamîya rêxistine’ Diyîn Dadgeha Asliye ra 7 serrî û nîm ceza da û xêrcê ke heqê vatişê peyînî bidê mi serrêke û 8 aşmî ceza birnayî. Îstînafî ceza xira kerd.”

 

Newe ra ceza dayî

 

Melîke dewam de wina qal kerd: “Naqokîyê îfadeyê polîsan de reyke bîn mojna ke ê a roje uca de nêbî.  La heyetî newe ra ceza da mi. Avûkatê memurê sereyîn, vasiyê mi gêra û vat, ‘100 hezar TL bidê ma dosya padê.’ Keye nê mi rê neql kerd û mi  dayîşê pere qebûl nêkerd û mi vat, bawerîya mi bi hukm û sazgehan çin o, ez kayê ke yenê kaykerdiş haydar a. Rewşa ameya ciwîyayîş, semedê zorberdişê îtîbarî yo. Mi eşnawitibi ke binê nameyê hukmî de dosyayê merdiman yenê padayîş. Mi vat, no bi zanebîyayîş açarêno wareyê rantî.

 

Pereyo kêm 5 serrî badê ame teslîmkerdiş

 

Melîke wina vat: “Memuro ke gerre kerdibî bi hêrs ‘mi no pere semedê xo nê, semedê sazgehî waşt, ganî dosya bivuryo, muhakemekerdişêk winasî nêbeno, ganî na kese bêro muhakemekerdiş’ qîriya. Serekê dadgehe bi vatişê ‘ti çi wazenê? Cewabêk senî wazenê? Ti şikdar nê şahid ê, çira hende hêrs benê?’ Memurî îqaz kerd. Mi zî vat, na ‘psîkolojîya sûcdarî ya.’ Mi vat, bawerîya mi bi hukmî çin a. Dadgehe tu delîl çinbî ‘tehdîdê bi nîtelîk’ aşmêke cezaya zîndanî da.  5 serrî badê sazgehî qerar da ke nasnameyê min yê sazgehî (hemserekî) bêro teslîmkerdiş. Bazinê vînî ra û pereyê kêmî yê zabitnameyî ra hema tu agahî çin a. Mi bi desan rey muracatê sûcî kerdo. La tu netîce nêame girewtiş. 36 hezar pereyê kêmî ameyî hesabkerdiş û zabitnameyî de derbaz beno 5 serrî badê ame teslîmkerdiş.”