MERKEZÊ XEBERAN - Paytextê Îranî Tehran de bi şîdetê 5.1î  de erd lerzîya.

 

Goreyê eşkerayîya Merkezê Sîsmolojî yê Zanîngehê Tehranî herêma Demavandî ya Tehranî de saete 00:48î de bi şîdetê 5.1î erd lerzîya. Ame vatene ke erdlerz  7 kîlometre binê erdî de ame meydan.

 

Vervaroxê Dezgehê Servîsanê Lezgînan ê Îranî Mucteba Halîdî pare kerd ke erdlerzî ra dima tîmê destpêkî yê hetkarîye şîyî herême. Şaristananê Kûm, Elbûrz û Gazvînî de zî erdlerz qewimîya. Derheqê tesîrê erdlerzî de zanayîşêk nêame girewtene.