STENBOL - Emîne Karaye dîyar kerde ke rewşa birayê aye Mehmet Soyluyo ke zindanê Maltepeyî de 4 serrî yo hepsî yo, vat ke rewşa ey her ke şino xirab beno û dîyar kerde ke sewqkerdene nêweşxaneyî de probleman ciwîyeno û dermanî zî kêm yenê dayene.

 

Îhlalkerdişê heqan yê zindanan her ke şino zêde beno. Verê nê de rewşa hepsîyê nêweşan zî her ke şino giran beno. Goreyê dayeyê ÎHDyî zindanan de 457 ci ra giran, bi pêryî hezar û 333 hepsîyê nêweş estê. Yew ci ra zî Mehmet Soyluyo ke 4 serrî yo zindanê Maltepeyî de tepişnaye yo.

 

‘Doktorî eleqedar nêbenê’

 

Waye ey Emîne Karaye da zanayîş ke Mehmet, nêweşê qelb, fitqê paştî û tansîyonî yo û vat, Mehmet 4 serrî verê bi dayîka xo dir ameyo tepişnayîş û wina dewam kerde: “O wext nêweşîyê giran derbaz kerd. Dayîka mi serrêke û nîm dima ameye tahlîyekerdene. La birayê mi 4 serrî yo tepişnayeyo. Rewşa ci qet baş nîyo. Doktorî eleqedar nêbenê. Dermanê ci zî kêm danê.

 

‘Domanê ci wazenê serbest bêro veradayene’

 

Emîneye eynî wextî de da zanayene ke sewqkerdişê nêweşxaneyî de zî problemî yenê ciwîyayîş û vat: “Tewr peyîn hîrê mengî verê şi nêweşxane. Wexto ke biwazo nêeşkeno şêro. Rewşa ey giran bena. Domanê ey her roje pîyê xo geyrenê. Psîkolojîyê înan zî xira bîyo. Menge ra reyke eşkenê pîyê xo bivînê. No çîyêko nêbaş o. Domanî zî wazenê pîyê înan serbest bêro veradeyene.”

 

‘Cigêryîşê viran ferz kenê’

 

Emîneye tewr peyîn arde ziwan, wexto ke şinê pêvînayîşan ê zî rastê tedayan yenê û vat: “Cigêrayîşê viran ma rê ferz kenê. Ma zaf nêrehet benê. Dem bi dem metodê înan vuryenê. Hêrişê vera hepsîyan, serê keyeyan de zî yenê kerdene.”

 

Emîneye eynî wextî de veng da ke ganî pêro hepsîyê nêweş serbest bêrê veradayene.