WAN - Rojhat Aydino ke dewaya Nisêbînî de zindanê Tîpê T yê Tokatî tepişnayeyo. Dayîka ey Xemê Aydine, dîyar kerdî ke seba roniştişê Mêrdînî, destê Rojhat kelepçekerde Tokat ra ardê û zindanê zî seba hûmartişê serê lingan qebûl nêkerdê rastê îşkence ameyo.

 

Îhlalkerdişê heqan yê zindanan roj bi roje tewr zêde beno. Yew înan ra zî zindanê Tîpê T yê Tokatî yo. Rojhat Aydino ke dewa Nisêbînî ameyne hukmkerdene Tîpê T yê Tokatî tepişnayeyo.

 

‘Îşkence de engişte xo vindî kerd’

 

Xemêye da zanayene ke lajê aye rastê îşkenceyo giran ameyo û vat: “Bi rojan bodrum de îşkence ci rê kerdî. Dima ra tepişnayî. Tepiştiş de engiştêk ci tira bî. Çimiko ci seba gule ginayo piro nêvîneno. Nika zî îhlalkerdişê zindanan rewşa lajê mi giran kerdo. Nêbenê nêweşxane zî. Keyeyî zî rastê îhlalkerdişan yenê. Seba ke lajê xo bivînî, têkoşînêko pîl dana. Hîrê rojî verê semedê pêvînayîşî şîya Tokat. La ê wazenê hepsî bêwayîr bimanê. La waştişê înan do qet bi ca nêro. Bi lingan bo zî ma do şêrê. Wa êdî peynîya nê zulmî bîyarê.”

 

‘Bi kelepçe Tokat ra ardî Mêrdîn’

 

Pîyê ci Mehmet Aydinî zî vat, Rojhat semedê roniştişî Tokat ra ardê Mêrdîn û rayîr de reyna îşkence bi ci kerdê û vat: “Rewşa lajê mi roniştiş de nêbaş bi, rincan bi. Nêeşkayne pawitişê xo bikero. No bi tu hewa nîno qebulkerdene. No îşkece yo. Rewşa ma ya ekonomî baş nîya. Qet nêbo wa lajê ma bîyarê ra Wan ke ma ci bivînê.”