AMED - TJAy cezaya 10 serran ê zindanî ke sîyasetmedara kurd Aysel Tugluke rê ameye birnayene ke hetê dadgeha berzî ra zî ameye tesdqîkerdene şermezar kerd û wina va: “Cezaya ameya dayene, şexsê Aysel Tugluke de vera sîstemê hemserekîye ke destkewtişê ma yo tewr pîl o ke ameyo qanûnkerdene yo.  No qerarê sîyasî ke ameyo caardene cinspawitox û bêîradeverdişê cinîyan o.”

 

Têgêrayîşê Cinîyan ê Azadan (TJA) derheqê tesdîqê cezaya 10 serran a Aysele Tugluk de ewro eşkerayîyêka nuştekîye daye.

 

‘Aysele temsîlkarê yewin sîstemê hemserekî ya’

 

TJAyî dîyar kerd ke Aysel Tugluke temsîlkarê yewin ê sîstemê hemserekîya yo û eşkerayî de wina ame vatene: “Bi qeyûman, tepiştişî û cezayan hemserekîye bena hedef û na çîye bîye pratîkê polîtîkayanê ke dişmenîya cinîyan kena. Îqtîdarê AKPyî û MHPyî bi îdîaya 'endamîya rêxistine' cezaya 10 serran daye sîyasetmedare û çalakîkera heqanê cinîyan Aysele. Aysele warê temsîlîyetê cinîyan û mekanîzmaya îdareyî de bîye temsîlkara verêne ya hemserekîye. Na ceza yena manaya hêrişanê vera sîstemê ma yê hemserekîye.”

 

TJAyî dewamê eşkerayî de wina va: “Ma na ceza şermezar kenê û pare kenê ke ma do têkoşînê xo yê vera sîstemî berz bikerê. Cinîyî ney kesê ke şîdet, tacîz, tecawuz û hêrişan kenê wa bêrê gumkerdene.''